7. Glosario

B

• Bar

Unidade de presión derivada das unidades do sistema cexesimal.

C

• Campo gravitacional

Forza por cada quilogramos de masa que exerce un corpo, como un planeta. Mídese en N/kg.

E

• Engalar

Levantar o voo un corpo.

G

• G

Constante da gravitación universal de Newton. O seu valor foi determinado experimentalmente por Lord Cavendish case un século máis tarde de que Newton enunciara a súa lei.

• Guindastre

Máquina empregada para elevar cargas pesadas.

I

• Iceberg

Bloque de xeo que aboia na auga do mar. O xeo ten unha densidade algo menor que a da auga, por iso flota.

• Inercia

Tendencia que ten un corpo a seguir parado (se estaba parado) ou a se mover en liña recta e rapidez constante se a forza total que actúa sobre el é nula.

• Interacción

Dous corpos ou non se fan forza (non interactúan) ou se fan forza un ao outro mutuamente. As dúas forzas son iguais e opostas.

M

• Mercurio

Metal que a temperatura ambiente é líquido; símbolo Hg (do latín hidrargirium). Ten unha densidade elevada, 13600 kg/m³. Os seus vapores son tóxicos.

• Milímetro de mercurio

Presión exercida por unha columna de mercurio líquido. A presión normal do aire equivale a unha columna de 76 cm de altura de mercurio.

P

• Pascal

Unidade de presión no Sistema Internacional de unidades. Equivale a unha forza de 1 N repartida en 1 m².

• Peso aparente

Os corpos semellan pesar menos cando están somerxidos nun fluído, debido a que o pulo os empurra cara arriba.

• Pisa

Cidade italiana da rexión da Toscana. Nunha das súas torres inclinadas (por ceder os alicerces sobre o terreo pantanoso da zona) fixo Galileo o seu famoso experimento de deixar caer pedras de masas distintas.

• Pulo

Forza que os fluídos exercen sobre os corpos mergullados neles. O seu valor vén dado polo principio de Arquímedes: o pulo equivale ao peso do fluído desaloxado.