1.3 Obxectivos

Interpretar movementos concretos dos corpos en relación coas forzas que soportan.
Aceptar que se un corpo se move en liña recta e con velocidade constante a forza total sobre el é nula.
Relacionar a aceleración coa forza aplicada e a masa do corpo.
Identificar calquera forza como resultado da interacción entre dous corpos.
Determinar que parellas de forzas son de interacción e cales non.
Utilizar a lei da gravitación universal para calcular forzas de atracción entre diversos corpos (grandes e pequenos) e a aceleración local da gravidade.
Definir o concepto de peso e diferenciar peso e masa.
Diferenciar a forza da presión, e comprender a relación entre elas.
Interpretar os efectos da presión en situacións do contorno.
Interpretar a presión dentro dos líquidos como unha consecuencia do peso do líquido e da presión externa.
Calcular presións e forzas no interior dos líquidos.
Entender o pulo dos fluídos como resultado da existencia de presión dentro deles e do seu aumento coa profundidade.
Empregar o teorema de Arquímedes para calcular forzas de pulo, e deducir se un corpo aboiará ou non.
Analizar información incluída nos textos escritos para presentación da unidade.