3. Resumo de contidos

Función lineal: é do tipo y = mx. O número m é a pendente. A gráfica da función lineal é unha liña recta que pasa pola orixe de coordenadas (0,0). Canto maior sexa a pendente máis inclinada ha estar a recta na gráfica.

Función afín: é do tipo y = mx + b. O parámetro m é a pendente, e o parámetro b é a ordenada na orixe (punto de corte da recta co eixe OY).

Identidade: é unha igualdade que é certa sempre, para todos os valores das letras que conteña. Por exemplo, 2x + 3x = 5x é unha igualdade.

Ecuación: igualdade que só é certa para algúns valores das letras. Por exemplo: 2x + 3x = 100.

Ecuación de primeiro grao: ecuación na que a incógnita x está elevada ao expoñente 1. Resolver a ecuación é determinar o valor da incógnita que fai certa a igualdade.

Transposición de termos: Regras básicas:

• Se o termo está sumando nun membro pasará restando ao outro membro.

• Se está restando nun membro pasa sumando ao outro.

• Se está multiplicando a todo o membro, pasa ao outro dividíndoo.

• Se está dividindo a todo un membro, pasa ao outro multiplicándoo.

Sistema de referencia: É imposible saber se un corpo se move ou non. O máis que podemos saber é se se move respecto doutro corpo que se chama sistema de referencia.

Posición dun móbil: Determinámola mediante as coordenadas (x,y) ou coa distancia medida desde a orixe da traxectoria (s).

Espazo percorrido: é a lonxitude da traxectoria percorrida.

Desprazamento: distancia que hai entre os puntos de saída e de chegada medida en liña recta (non sobre a traxectoria, que pode ser curvilínea).

Velocidade media: Calcúlase dividindo o espazo total percorrido entre o tempo total empregado:

Movemento uniforme: neste movemento a velocidade vale o mesmo todo o tempo. A súa ecuación é s = s_o + v.t . Non ten aceleración.

Movemento acelerado: A velocidade vai aumentando (aceleración positiva) ou diminuíndo (aceleración negativa). A aceleración calcúlase coa fórmula:

As ecuacións do movemento uniformemente acelerado son:

Preto da Terra os corpos caen cunha aceleración de 9,8 m/s.