2.3.3 Velocidade media e instantánea

Velocidade media

Viaxamos de Santiago a Ourense en coche. Percorremos 103 quilómetros e tardamos en total dúas horas. Calculamos a velocidade media da viaxe dividindo o espazo percorrido entre o tempo total tardado:

Atención! No tempo t anterior temos que incluír tamén os tempos en que o móbil estivo parado (descansos, botar combustible, etc.).

Velocidade instantánea

É a que ten un móbil en cada momento. No sistema internacional (SI) de unidades, o oficial na maioría dos países, mídese en m/s, aínda que nos coches adoita medirse en km/h, por razóns prácticas; a velocidade instantánea (ou simplemente velocidade) vén marcada no velocímetro (a xente chámalle contaquilómetros, que non é o mesmo).

Na práctica medimos a velocidade (instantánea) calculando a velocidade media nun intervalo de tempo moi pequeno (unha décima de segundo, por exemplo). Nas estradas os radares miden a velocidade dos vehículos mediante o efecto Doppler, que é o cambio de frecuencia dunha onda cando é emitida por un corpo en movemento (por iso soa diferente a sirena dunha ambulancia cando se achega e cando se afasta de nós). Co efecto Doppler tamén se miden as velocidades das estrelas e das galaxias no universo.

Cambio de km/h a m/s e viceversa

Facémolo utilizando factores de conversión. Un factor de conversión é unha fracción que expresa a equivalencia entre dúas unidades que se desexan transformar (lembre: 1 km = 1.000 m e 1 h = 3.600 s).

• Pasar de 90 km/h a m/s.

Significa que en cada segundo percorremos 25 metros.

• Pasar 10 m/s a km/h (é a velocidade dun atleta que corre os 100 m lisos).

Significa que nunha hora percorrería 36 km, de ir sempre coa mesma velocidade.

Pero é claro que nunha viaxe a velocidade non é sempre a mesma: aceleramos, freamos...