2.3.2 Posición dun móbil
Un móbil é calquera corpo que se move. Un corpo está en movemento cando cambia a súa posición respecto dun sistema de referencia.
Traxectoria
É a liña que describe o móbil no seu movemento. Ás veces vémola polo rastro que deixan os corpos ao moverse: o vapor creado polos avións no ceo, a pegada dos caracois, o rotulador no encerado, os esquís na neve. A traxectoria pode ser rectilínea ou curvilínea.
Posición
A posición dun corpo é o punto da traxectoria en que está nun instante determinado. Podémola determinar de dous xeitos, especificando:
- Coordenadas cartesianas (x, y) do punto nuns eixes de coordenadas:
 |
|
-
Distancia (s) á que está o móbil desde a orixe da traxectoria, medida sobre ela:
 |
|
Nesta unidade utilizaremos exclusivamente a segunda forma de determinar a posición dos móbiles.
Espazo ou distancia percorrida
O espazo percorrido é a lonxitude do treito percorrido medido sobre a traxectoria. Calcúlase restando a posición final menos a posición inicial do móbil:
Espazo percorrido = Δ s = s - so
Δs lese incremento de s. A letra grega delta Δ úsase para indicar a diferenza entre dous valores, o final menos o inicial.
O espazo mídese en metros (no sistema internacional); ás veces mídese tamén en quilómetros (1 km = 1.000 metros).
Desprazamento
É a distancia entre dous puntos da traxectoria medida en liña recta (aínda que a traxectoria sexa curva).
 |
En xeral o desprazamento mide menos que o espazo percorrido, agás que a traxectoria sexa rectilínea, neste caso coinciden desprazamento e espazo percorrido.
Actividades propostas
S19. Indique as coordenadas do móbil nas posicións A, B e C da figura:
S20. Indique a posición do automóbil na estrada nas posicións sinaladas na figura:
S21. A figura seguinte representa as posicións dun móbil medidas sobre a traxectoria. Calcule as distancias percorridas entre os instantes que se indican:
- t = 10 s e t = 40 s
- t = 10 s e t = 30 s
 |
Licenciado baixo a Licenza Creative Commons Recoñecemento Non-comercial Compartir igual 3.0