Saltar navegación

2.3.7 Movemento de caída libre

O planeta Terra atrae todos os corpos que hai arredor dela en dirección cara ao seu centro. Os corpos caen "cara a abaixo" (iso dicimos nós), pero en realidade caen cara ao centro do planeta.

 

  • Preto da superficie terrestre todos os corpos caen coa mesma aceleración, que vale

9,8 m/s2. Con frecuencia a este valor chámaselle aceleración da gravidade g.



  • Na Lúa, g = 1,6 m/s2.

Na caída libre, o corpo cae polo seu propio peso, polo que a velocidade inicial, v0 , é cero. A gravidade aumenta progresivamente a velocidade do corpo. Este é un movemento rectilíneo e acelerado, polo que imos empregar as fórmulas do MRUA. Vexamos como se resolven os problemas de caída libre cuns exemplos:

 

Actividades resoltas

Un testo cae desde unha terraza. Tarda catro segundos en romper contra o chan. Calculamos a velocidade coa que choca co chan e a altura desde a que caeu.

  • a) Aínda que non os dan, hai dous datos que coñecemos: como a caída é libre, v0 =0. A aceleración de caída é a gravidade, polo que a = g = 9,8m/s2.

m/s

  • b) Consideramos s0 = 0 collendo como orixe de espazos o lugar desde onde cae o texto.

                m

Unha saltadora de trampolín artístico déixase caer desde a panca de saltos situada a 8 m sobre a auga da piscina. Determinemos o tempo que tarda en chegar á auga e a velocidade de impacto contra a auga.

 

Actividade práctica

Deixe caer con coidado unha pedra grande e outra pequena a un tempo desde a mesma altura (sobre dous metros). Cal chega antes ao chan? Non o diga, fágao! Repita a experiencia deixando caer un libro e un anaco pequeno de papel separados un doutro.

Deixe caer de novo o libro e o papel, pero agora co papel xusto enriba do libro.

  • Que efecto produce a atmosfera nos dous últimos casos? Cal sería o resultado de facer todo isto na Lúa?
  • Pode ver un vídeo do anterior en:

–  http://www.youtube.com/watch?v=4mTsrRZEMwA Nel próobase a teoría de Galileo que afirma que en ausencia de atmosfera os obxectos caerán á mesma velocidade independentemente do valor da súa masa.

Actividade proposta

S33. Un paracaidista tírase desde unha altura de 1.000 m. O paracaídas non abre.

  • Con que velocidade bate contra o chan o desafortunado paracaidista?
  • A velocidade coa que realmente impacta contra o chan, aínda que mortal, é moito menor que a calculada. Por que?
Editar Borrar

Licenciado baixo a Licenza Creative Commons Recoñecemento Non-comercial Compartir igual 3.0