6. Glosario

A

• Augas duras

Son as que conteñen unha concentración excesiva de sales de calcio e magnesio superior a 120 mg/l.

• Apotema

Liña que une o centro co punto medio do lado dun polígono regular.

• Arco

Parte da circunferencia comprendida entre dous puntos desta.

C

• Calor latente

É a enerxía necesaria para que se produza o cambio de estado dunha substancia, sen que se incremente a súa temperatura. Pode ser calor latente de fusión e calor latente de vaporización.

• Catetos

Nun triángulo rectángulo son os lados que forman o ángulo recto.

E

• Escoamento superficial

É a auga procedente da chuvia que circula pola superficie do solo concentrándose nos leitos. É unha das causas principais de erosión do solo, sobre todo se a cuberta vexetal é escasa.

• Evapotranspiración

Termo que abrangue o mecanismo polo que a auga é devolvida á atmosfera en forma de vapor, denominado evaporación, e a transpiración realizada polos vexetais.

F

• Floculantes

Produtos que se engaden durante o proceso de tratamento da auga de consumo para favorecer o agrupamento das partículas de menor tamaño que se achan en suspensión, facilitando así a súa decantación.

• Fotosíntese

Nome do proceso mediante o que as plantas captan e utilizan a enerxía da luz para transformar a materia inorgánica do aire e do solo en materia orgánica que utilizan para o seu crecemento.

M

• Manto acuífero

Augas que flúen polo subsolo.

O

• Ozonización

Proceso polo que se inxecta ozono á auga de consumo para a desinfectar.

R

• Rega por aspersión

Modalidade de rega pola que a auga chega ás plantas en forma de chuvia localizada.

• Rega pinga a pinga

Sistema de rega polo que a auga chega pinga a pinga ao solo onde se localizan as raíces das plantas.

• Raio

Segmento que un o centro da circunferencia con calquera dos puntos desta.

S

• Salinidade

Medida da concentración de sales disolvidos na auga.

• Solubilidade

Capacidade de disolución dunha substancia noutra.

• Segmento

Porción da recta comprendida entre dous puntos desta