2.1.1 Faladoiro. Asociciacións veciñais

O debate xira arredor das asociacións veciñais: o que fan pola sociedade, os seus problemas internos, etc.

Si, porque os participantes no debate non falan ao mesmo tempo, senón que respectan as quendas de palabra. Deste xeito, non se produce ruído na comunicación e a comprensión entre os propios contertulios e entre estes e o espectador é óptima.

Si, é positivo porque só escoitándonos adecuadamente podemos saber o que pensa o noso contrario, e a partir de aí extraer conclusións e refutar, se for necesario, as súas opinións mediante argumentos válidos. Mais se o que facemos é establecer un diálogo en que todos e todas falen ao mesmo tempo ou só fale unha das partes, non estaremos obtendo unha visión completa do asunto, senón fragmentada. E como non sabemos o que opina o contrario (porque ou ben non puido falar ou falou ao mesmo tempo ca nós) non podemos rebater nada do que dixo ou quixo dicir. Daquela, estamos tamén a falar de ter respecto polas demais persoas que nos rodean, sempre e cando dialoguen con nós utilizando argumentos válidos.