Se ten acceso a internet vexa o vídeo que leva por título: Videoteca AELG de Xosé Luís Axeitos Agrelo. O enderezo é o seguinte:
]
Actividades propostas
Actividades propostas
S1. Logo de ver os textos responda ás cuestións:
Con poucas palabras, poña por escrito de que se fala nos vídeos.
Analice os elementos paraverbais e non verbais dos textos.
Cre que os elementos paraverbais e non verbais xogan un papel importante na comunicación oral? Por que?
Se nos centramos só na linguaxe verbal, para que cre que nos serve? Que podemos transmitir con ela?
De que se fala en cada un dos vídeos.
Texto 2.1: Rosa Aneiros explícanos cando e por que comezou a escribir.
Texto 2.2: Xosé Luís Axeitos lembra as historias da súa infancia que o marcaron e polas que chegou ao mundo galeguista e a escribir.
Elementos paraverbais e non verbais dos dous textos.
Texto 2.1: volume de voz: baixo; velocidade: rápida; pausas: non hai pausas destacables no discurso; entoación: é sempre a mesma; xestos: utiliza as mans para reforzar o dito no discurso; movementos: Aneiros está inqueda na cadeira, coma nerviosa.
Texto 2.2: volume de voz: medio; velocidade: lenta; pausas: non hai pausas salientables no discurso; entoación: é sempre a mesma; xestos: utiliza as mans para reforzar o dito no discurso; movementos: de cando en vez Axeitos move as mans, coma se non fose capaz de telas quedas.
Os elementos paraverbais e non verbais xogan un papel importante na comunicación oral? Por que?
Si, xogan un papel moi importante porque reforzan e amplían a mensaxe que o emisor nos transmite ou quere transmitir. Ademais, estes elementos pódennos dar información sobre o estado anímico en que o emisor pronuncia o discurso: se está nervioso, tranquilo, se ten présa por rematar, etc.
Para que cre que serve a linguaxe verbal? Que podemos transmitir con ela?
A linguaxe verbal é un elemento fundamental na comunicación humana, entre persoas. Serve para poder transmitir e intercambiar ideas con persoas da mesma ou doutra culturas, tamén para intercambiar mensaxes de tipo cultural, científico...