O goalball é un deporte paralímpico creado unicamente para persoas cegas ou con discapacidade visual.

Neste deporte enfróntanse dous equipos de tres persoas nunha pista interior. Cada un sitúase nun extremo xunto a unha portería de 9 metros. 

O obxectivo do goalball é introducir unha pelota, que leva un cascabel no seu interior, na portería rival. Todos os integrantes do equipo poden lanzar e intentar que a pelota non entre na portería. 

Ademais, para garantir a igualdade, os xogadores ou xogadoras deben levar un anteface que lles cubra por completo os ollos. 

Trátase dun deporte que require dunha gran capacidade espacial para saber onde estar situado para interceptar ou lanzar a pelota. Por iso, a pista utilizada para goalball é un rectángulo de 18 metros de longo por 9 de ancho dividido en seis áreas. As liñas do campo son táctiles para que os xogadores e xogadoras poidan orientarse con facilidade. Polas súas características esta pista debe ser interior e o lugar debe estar en absoluto silencio durante todo o partido para permitir que ambos os equipos poidan escoltar o balón sonoro. Só se pode aplaudir cando se marca gol.