Exposición do mural
Chegou o momento de dar a coñecer, a nosa comunidade educativa, os murais que preparastes para darlle divulgación e valorar a importancia que ten, na nosa sociedade, a práctica deportiva adaptada.
1º- Exposición a nivel de grupo.
2º- Presentación internivelar.
3º- Mostra a nivel de centro.
4º- Apertura da exposición ás familias da comunidade educativa e da contorna.
5º- Difusión a través da páxina web do centro.
CONSELLOS:
- Expoñeredes os murais nun lugar principal do centro educativo e con fácil accesibilidade.
- Estableceredes os horarios de visita á exposición, tanto para os diferentes cursos, como para as familias do alumnado e habitantes da contorna.
- Especificaredes a maneira de anunciar os horarios da visita, en función das quendas organizadas.
- Determinaredes as quendas de intervención de cada grupo, para que poida explicar o contido do seu mural: lema de motivación, deportista de referencia elixido, deporte adaptado que practica etc.
- Organizaredes o equipo encargado de facer as fotografías e vídeos para poder facer a difusión a través da páxina web do centro educativo.
Lectura facilitada
CONSELLOS:
-Expoñeredes os murais nun lugar do centro con fácil accesibilidade.
-Estableceredes os horarios de visita para alumnado e familias.
-Especificaredes a maneira de anunciar os horarios da visita.
-Determinaredes as quendas de cada grupo para explicar o mural.
-Organizaredes o equipo encargado de facer as fotografías e vídeos para a difusión.