Persoa que asiste ou axuda nun determinado labor. (RAG)
Exemplo:
O asistente levoulle a quenlla para xogar á boccia.
Petanca
Definición:
Xogo que consiste en lanzar primeiro unha bóla pequena ou boliche e despois outras máis grandes que se deben aproximar o máis posible ao boliche. (RAG)
Exemplo:
Participaron nun campionato de petanca.
Quenlla
Definición:
Pequena canle de madeira que empregan as persoas con pouca mobilidade para lanzar a bola na boccia.
Exemplo:
Levou a súa quenlla para xogar á boccia.
Que é?
A boccia é un deporte paralímpico practicado por persoas en cadeira de rodas que teñen parálise cerebral, lesión cerebral ou discapacidade física severa. Trátase dun deporte semellante á petanca que se basea na precisión e na habilidade.
Practícase nunha pista de 12,5 x 6 metros aínda que tamén pode practicarse en contornas naturais.
Os xogadores ou xogadoras colócanse nun extremo. Cada un deles comeza o xogo con 6 pelotas e o obxectivo é lanzalas o máis cerca posible doutra máis pequena de cor branca. Á vez, é importante intentar deixar máis lonxe as dos rivais.
Na boccia pódese competir de xeito individual, por parellas ou en equipos e gaña quen deixe a bóla máis preto da branca.
Os deportistas clasifícanse en catro categorías en función da súa discapacidade:
BC1: poden lanzar coa man ou co pé. Poden competir ca axuda dun asistente.
BC2: lanzan coa man sen ningún tipo de axuda.
BC3: son incapaces de lanzar ou agarrar a bola. Por iso, permíteselles facer uso dunha quenlla ou rampla ademais da axuda do asistente.
BC4: nesta división participan xogadores ou xogadores sen parálise cerebral. Poden lanzar coa man e co pé sen axuda.
Lectura facilitada
A boccia é un deporte paralímpico para persoas en cadeira de rodas.
É un deporte similar á petanca.
Xógase nunha pista de 12,5 x 6 metros.
Cada xogador lanza 6 pelotas dunha mesma cor co obxectivo de deixalas o máis cerca da bola branca.
Existen varias modalidades: individual, por parellas ou en equipos.
Os deportistas clasifícanse en catro categorías en función da súa discapacidade:
BC1: lanzan coa man ou co pé. Compiten con axuda dun asistente.
BC2: lanzan coa man sen axuda.
BC3: fan uso dunha quenlla ou rampla.
BC4: participantes sen parálise cerebral que lanzan coa man e co pé sen axuda.
Audio
A boccia nas clases de Educación Física
Os materiais de refugallo ofrecen múltiples posibilidades. Para xogar á boccia nas clases de Educación Física pódense crear estruturas autoconstruídas con materiais como os da imaxe:
A boccia é un deporte paralímpico practicado por persoas en cadeira de rodas que teñen parálise cerebral, lesión cerebral ou discapacidade física severa. Trátase dun deporte semellante á petanca que se basea na precisión e na habilidade. 
