Saltar navegación

3.1. A prevención

 

Glosario

Contorna

Pictograma que representa un paisaxe

Definición:

Zona ou territorio arredor dun lugar ou dunha persoa.

Exemplo:

Na contorna onde vivo hai unha farmacia, un colexio e un parque para xogar.

Impacto ambiental

Pictograma que representa un río contaminado

Definición:

Alteración que causa o ser humano sobre o medio ambiente.

Exemplo:

A contaminación provoca un gran impacto ambiental.

Lixo

Pictograma que representa lixo

Definición:

Cousas que non serven e se tiran. Residuos, refugallo...

Exemplo:

Dá pena ver a praia con tanto lixo.

Prevención

Pictograma que representa unha sinal de perigo cunha caveira

Definición:

Acción e efecto de anticiparse a algo que vai ou pode suceder.

Exemplo:

A prevención das infeccións é moi importante para a saúde.

Repelente

Pictograma que representa un bote de repelente de mosquitos

Definición:

Substancia que botamos para evitar que nos piquen os insectos.

Exemplo:

Se viaxas a un país tropical leva un bo repelente de mosquitos.

Urticante

Pictograma que representa unha persoa rascando unha perna

Definición:

Que produce unha sensación en forma de proído semellante ao que resulta do contacto coas ortigas.

Exemplo:

As medusas posúen nos seus filamentos unhas células urticantes

Cousas que pasan

Fotografía que representa unha sinal de perigo cunha caveiraO manexo de obxectos, espazos moi limitados, movementos a gran velocidade... son algunhas das características que ocorren nas clases de Educación Física, verdade? Á vez, tamén son a causa de moitos problemas que xorden nelas. 

Como podemos evitalos durante a práctica de actividade física? É moi complicado asegurar que non existan ao 100% pero, se se teñen en conta algúns aspectos, podemos reducir o seu número. 

En función de onde se practique a actividade física hai que ter en conta unhas variables ou outras: espazos interiores (aulas, ximnasio...) ou espazos ó aire libre (urbanos, naturais...) 

Lectura facilitada

Nas clases de Educación Física ás veces xorden problemas,

Como podemos evitalos durante a práctica de actividade física?

Se se teñen en conta algúns aspectos, podemos evitar que pasen.

En función de onde se practique a actividade física

hai que ter en conta unhas variables ou outras:

No noso colexio

Vestimenta

  • Utilizar roupa deportiva que permita o movemento.
  • Calzado adecuado, antiescorregante e ben suxeito.
  • Evitar pendentes, colares...
  • Pelo recollido.
  • Roupa adecuada á temperatura do ambiente.

Materiais

  • Antes de usalo, é necesario realizar unha revisión xeral para ver que o seu estado é correcto.
  • Debe seleccionarse en función do obxectivo da tarefa, ás características das persoas que van participar.

Espazos

  • Debe ser un lugar cómodo onde o desprazamento non teña dificultades.
  • Retirar todo obstáculo que supoña perigo deixando o espazo limpo.
     

Nun espazo urbano da nosa contorna

Vestimenta

  • Utilizar roupa deportiva que permita o movemento e adecuada á temperatura.
  • Calzado adecuado, antiescorregante e ben suxeito.
  • Evitar pendentes, colares...
  • Pelo recollido.
  • Usar gorras que tapen a cabeza en días soleados. 
  • Utilizar chalecos ou bandas reflectoras para ser visibles a condutores (especialmente cando hai pouca luz). 

Saúde

  • Non practicar actividade física en días calorosos entre as 12 e as 16 horas. 
  • Beber moita auga aínda sen ter sede.
  • Empregar cremas de protección solar apropiadas a cada tipo de pel. 
  • Contar cunha botica de primeiros auxilios. 

Espazos

  • Realizar a actividade nun lugar axeitado como parques, áreas peonís ou prazas pechadas ao tráfico. 
  • Debe estar libre de obstáculos como obxectos cortantes, mobiliario urbano, liso... 
  • Se a actividade implicar cruzar rúas, sempre facelo por pasos de peóns e todo o grupo xunto.
  • No caso de non existir beirarrúas, debemos ir en fila india e pola nosa esquerda, para poder ver os coches.

Supervisión

  • Escoller un lugar onde o alumnado deba reunirse en caso de que se separen do grupo.
  • Equipar ao alumnado con elementos identificativos que inclúa o nome do grupo e un número de contacto. 

Nun espazo natural da nosa contorna

Vestimenta

  • Utilizar roupa deportiva cómoda, impermeable e transpirable que permita o movemento e adecuada á temperatura.
  • Calzado adecuado, antiescorregante e ben suxeito.
  • Usar gorras que tapen a cabeza en días soleados. 
  • Utilizar chalecos ou bandas reflectoras para ser visibles a condutores (especialmente cando hai pouca luz). 

Saúde

  • Non practicar actividade física en días calorosos entre as 12 e as 16 horas. 
  • Levar auga e alimentos. 
  • Descansar en lugares frescos. 
  • Empregar cremas de protección solar apropiadas a cada tipo de pel. 
  • Contar cunha botica de primeiros auxilios con material básico. 
  • Usar repelente de insectos e evitar zonas con plantas urticantes ou colmeas.

Espazos

  • Identificar riscos como terreos esvaradíos, pendentes pronunciadas, zonas de rochas, augas profundas ou presenza de fauna perigosa.
  • Verificar a previsión meteorolóxica para evitar exposicións a choiva forte, tormentas, ventos fortes ou calor excesiva... 
  • Garantir que todo o lixo xerado sexa recollido para deixar o espazo limpo e coidado.
  • Fomentar que se manteñan nas rutas establecidas para evitar zonas perigosas e minimizar o impacto ambiental.
  • Respectar á fauna e flora que habita no espazo. 
  • Levar mapas ou GPS para orientarse e asegurarse de que algún responsable teña cobertura telefónica.
  • Identificar elementos do entorno como árbores grandes ou camiños marcados que poidan axudar a orientar ao grupo.

Supervisión

  • Garantir que o grupo permaneza unido, evitando que se afasten ou se perdan.
  • Establecer un punto de encontro claro no caso de que alguén se extravíe e ensinar aos nenos a como pedir axuda.

Creado con eXeLearning (Ventana nueva)