Situación dunha persoa que, polas súas condicións físicas, sensoriais, intelectuais ou mentais, atópase con dificultades para a súa participación.
Exemplo:
Ten unha discapacidade provocada por un accidente de tráfico.
Handbike
Definición:
Bicicleta de tres rodas que se propulsa, se dirixe e se frea cos brazos.
Exemplo:
Saín a adestrar coa miña handbike.
Mural
Definición:
Escrito, pintura, debuxo etc. que se coloca ou se realiza sobre un muro.
Exemplo:
O mestre pegaba nas paredes os murais que facía o alumnado.
O deporte é para todas as persoas
Para practicar ciclismo, a bicicleta que emprega Álex é unha handbike ou bicicleta de man. No seguinte vídeo poderás observar como é o proceso de Álex para ir adestrar e o seu paso da cadeira de rodas á súa handbike. O deporte é para todas as persoas, verdade?
Lectura facilitada
Para practicar ciclismo Álex emprega unha "handbike".
No vídeo verás como adestra Álex na handbike.
O deporte é para todas as persoas!
O reto
A práctica deportiva debe estar ao alcance de todas as persoas que desexen practicalo polos numerosos beneficios que ten. Porén, en ocasións, as persoas que teñen algunha discapacidade teñen máis dificultades para practicalo porque este tipo de deporte é menos coñecido e está menos ao alcance da poboación.
Mergúllate no mundo do deporte adaptado e axuda a Álex a darlle visibilidade!
Para iso teredes que elaborar, por equipos, un mural co obxectivo de axudar a visibilizar os deportes e deportistas paralímpicos. Escolleredes un deportista, así como o deporte adaptado que practica.
Poderedes elixir entre facer o mural en formato dixital e imprimilo posteriormente ou ben seleccionar un formato de cartolina ou papel continuo. Todos os murais, en calquera dos seus formatos, serán parte da exposición que realizaredes no voso cole.
Que vos parece? Animádesvos?
Lectura facilitada
O deporte debe estar ao alcance de todas as persoas.
As persoas con discapacidade teñen máis dificultade
porque o deporte adaptado é menos coñecido.
Queres axudarlle a Álex
a darlle visibilidade ao deporte adaptado?
Para iso faredes un cartel por equipos
sobre un deportista que practique deporte adaptado.
.png "Mural deportistas referentes")