Características dun bo mural
Unha vez que xa decidistes o/a deportista que ides dar a coñecer toca poñerse mans á obra... É hora de elaborar o mural!
Nel tedes que incluír todos os datos que recompilastes na vosa investigación.
Para que o voso mural teña éxito e todo o mundo se fixe nel teredes que ter en conta unha serie de aspectos:
Imaxe - texto
O mural debe combinar información escrita con imaxes, fotografías ou outros elementos visuais que axuden a comprender o texto.
Uso estratéxico de cores
Un mural debe ter unha combinación de cores correcta que permita ler o texto con facilidade. O idóneo sería escoller unha cor escura de fondo con información en cor clara ou ó revés.
Título vistoso
O encabezado principal debe ser con letras grandes e vistosas.
Información clara
A información que amose o mural debe ser clara e concisa. É importante non ocupar todo o espazo con texto.
