O voso obxectivo e crear un mural baseado en formas xeométricas:

1- Elixe as formas xeométricas que queres incluír no mural e fai un bosquexo da idea.

2- Emprega a regra e o compás para trazas as formas con precisión.

3- Cando teñades o deseño, comezaredes aplicando acuarela para o fondo do mural, ou para engadir detalles e texturas. 

4- Aplicar pintura acrílica nas zonas xeométricas do deseño. Podedes crear cores uniformes, combinar cores, facer degradados etc.

O voso obxectivo e crear unha cidade representada ó longo dunha liña na que os edificios se relacionen entre si:

1- Debuxa en formato horizontal unha secuencia de edificios, podes xogar cos anchos e coas alturas. Engadide detalles como ventás, portas, balcóns etc. 

2- Podes facelo a man alzada ou empregar as regras para que quede máis liñal.

3- Cando teñades o deseño listo, aplicaredes acuarela para o fondo, xogando con máis ou menos auga para conseguir diferentes efectos. O fondo deberá ser difuso para dar sensación de profundidade. 

4- Aplicaredes pintura acrílica aos edificios, xogando coa profundidade e a sensación duns edificios máis afastados dos outros. As cores máis intensas e detallada nos edificios máis próximos empregando tons escuros para as sombras. Os edificios máis afastados, empregade cores máis suaves e apagadas. 

O acrílico podedes empregalo con capas máis grosas, especialmente nos edificios máis próximos, creando un contraste de textura co fondo difuso de acuarela. 

O voso obxectivo e analizar obxectos urbanos (alcantarillas, farolas, bancos...) e xogar coa profundidade dos mesmos:

1- Comezaredes facendo un bosquexo a lapis no que apareza algún obxecto urbano (edificio, farola, macetas, bancos...).

2- Cando teñades decidido o obxecto, marcaredes donde se atopa a fonte de luz para traballar as sombras e así o volume.

3- Cando teñades o deseño do voso obxecto, aplicaredes acuarela ó fondo; podedes empregar tons suaves e claros para que contraste co obxecto urbano.

Xogade coas propiedades da acuarela para conseguir diferentes efectos visuais.

4- Co fondo seco, aplicaredes pintura acrílica o voso obxecto.

Podedes empregar cores máis intensas e saturadas.

Deberedes aplicar sombras empregando cores máis escuras nos lados do obxecto que están opostos á fonte de luz.