O REA "rúArte" ten como obxectivos principais:

1 - Fomentar a capacidade do alumnado para xerar ideas, sentimentos e opinións a través da arte.

2 - Coñecer e experimentar con diferentes técnicas artísticas e as ferramentas propias de cada técnica, aplicándoas nun contexto urbano.

3 - Fomentar o traballo en equipo e colaborativo mediante o intercambio de ideas a través de diferentes pequenas intervencións artísticas.

4 - Desenvolver unha ollada proactiva e crítica sobre o espazo colectivo, entendendo as diferenzas e matices entre arte e vandalismo.

5 - Potenciar o sentido artístico e a percepción do espazo urbano de forma creativa.