A arte é unha ferramenta fundamental para mellorar a nosa contorna. Para traballar coma artistas na rúa é fundamental aprender as técnicas básicas da pintura e do debuxo, de seguro xa coñecedes algunhas.
A continuación, teredes unha serie de actividades para poñer a proba os vosos coñecementos sobre diferentes formas de pintar e debuxar.
Prestade atención, divertídevos e comprobade o que sabedes!
Lembrades o xogo de procurar formas nas nubes? Imos facer algo parecido pero con manchas de cor.
Primeiro de todo, prepara o teu espazo de traballo. Lembra empregar materiais de refugallo, na medida do posible.
Para este traballo vas precisar:
Para comezar, coloca os papeis enriba da mesa e prepara as cores. Emprega os pinceis, as brochas ou as esponxas para facer manchas de cor de xeito libre e abstracto.
Mentres deixas secar o resultado, co resto do grupo, procura nas manchas formas recoñecibles, coma no xogo das nubes.
Unha vez seca a pintura, resalta as formas atopadas do fondo coloreado con lapis de cor ou grafito.
Lembra compartir o resultado cos outros grupos na aula!
Sabedes como se emprega a técnica do estarcido? Ao mellor non coñecedes esta palabra, pero de seguro que ides gozar coa seguinte actividade!
Primeiro, nas cartolinas ou cartóns, recortade formas sinxelas, xeométricas ou non. Agora preparade as cores.
Ide colocando no papel continuo os patróns, e coa pintura diluída e os cepillos de dentes, esparexede a cor imitando o efecto da pintura en aerosol.
Podedes repetir cantas veces queirades, solapando e intercambiando as vosas imaxes coas do resto do grupo.
Compartide o resultado cos outros grupos na aula.
O voso papel de debuxo é plano. Tedes debuxado as cousas imitando a sensación de que teñen volume? Fixádevos ben nas luces e sombras e... mans á obra!
Colocade, cada quen, o voso obxecto de xeito que o miredes ben. Observádeo e debuxádeo, empregando a técnica que cada quen escolla Lembrade engadir as luces e as sombras.
Observade o resultado: semella ter volume como na realidade?
Licenciado baixo a Licenza Creative Commons Atribución Non-comercial Compartir igual 3.0