Roll Up

Trátase dun indispensable para calquera stand, xa que transmite cun só golpe de vista o que o negocio pode ofrecer, coa vantaxe adicional de que son moi económicos e visibles. Recoméndase colocar imaxes grandes e evitar o exceso de texto.

Carteleira e lonas publicitarias

Trátase de elementos que se converteron en todo un clásico de calquera stand. Non poden faltar se se dispoñen de paneis ou columnas próximas, coa vantaxe de que poden verse dende unha distancia considerable. Por este motivo, é esencial que como información principal apareza o nome do stand.

O obxectivo principal nunha caseta ou stand, como se comentou con anterioridade, é darse a coñecer. As persoas que os visitan, en moitas ocasións, queren levar información consigo sobre os contidos ou produtos dos diferentes stands. Nos vosos stands estades ofrecendo contidos teórico-prácticos, polo que o ideal sería ofrecer a posibilidade de que os visitantes leven información con eles.

Estas son algunhas das solucións que se adoitan ofrecer en feiras e exposicións:

• Dípticos e trípticos: Os folletos informativos en formato díptico e trípticos, son máis lixeiros que os catálogos e máis fáciles de levar. Iso si, a información debe estar moito máis condensada que nun catálogo. Dependendo do stand, terá a necesidade de utilizar un formato, outro, ou os dous.

Como podedes elaborar dípticos e trípticos? Manualmente, con folios, cartolinas e rotuladores, ou dixitalmente, como pode ser coa ferramenta Polotno.

• Obsequios: A todo o mundo lle encanta recibir agasallos, por este motivo, ter un detalle coas visitas nunca está de máis. Isto pode motivar aos visitantes a recordar o seu paso polo stand. Hai cantidade de opcións, como poden ser chapas, totebags ou adhesivos personalizados coa temática do stand.

O polo creativo do voso centro pode ser un sitio no que crear estes obsequios.

Para recibir aos visitantes e manter a caseta perfectamente ordenada e poder ofrecer información correctamente, é necesario contar con outros recursos de valor.

Mostradores

Trátase dunha estrutura fundamental para recibir aos interesados en recibir información ou resolver calquera tipo de dúbida. Nel, sempre debe haber unha ou varias persoas atendendo ao público.

Moble expositor, andeis e góndolas expositoras

Un moble expositor pode ser recomendable para incluír nel os obsequios do stand ou o que se queira destacar ou dar a coñecer.

Portafolletos, expositor ou soporte para folletos

Este obxecto utilízase para incluír nel catálogos ou calquera recurso impreso que se queira dar a coñecer. Deste xeito, os visitantes poden collelo libremente e ler a información tranquilamente.