Definición:
Acción que trata de recompilar, almacenar, analizar e difundir información contida en documentos de distinto tipo.
Exemplo:
A organización documentou as actividades de forma dixital.
Definición:
Obxecto ou elemento con varios puntos de referencia que serven parar valorar un aspecto concreto.
Exemplo:
A actividade gustoulle moito, polo que a súa valoración foi o centro da diana.
Chegou o día! Viviredes unha xornada de convivencia saudable cos vosos familiares na que seredes os seus adestradores e adestradoras persoais.
Aquí a vosa función como adestradores persoais é moi importante, xa que da vosa implicación e compromiso ao longo do evento dependerá a motivación de todas as persoas que asistan.
Recordade que o obxectivo é que as persoas implicadas desfruten dunha experiencia entorno á actividade física para motivar a que melloren os seus hábitos.
Chegou o día!
Viviredes unha xornada de convivencia saudable cos vosos familiares na que seredes os seus adestradores e adestradoras persoais.
De vós dependerá a motivación de todas as persoas que asistan.
O obxectivo é que as persoas implicadas desfruten.
Hai que motivar a que melloren os seus hábitos.
ExpoMoving vai ser un día moi especial para todos e todas!
Non vos gustaría ter un recordo para sempre?
Pois ides documentar a xornada de convivencia. Cada grupo tedes que pensar unha forma de poder gravar ou sacar fotos para expoñerlle aos vosos compañeiros e compañeiras a vosa experiencia coas familias en cada stand organizado.
ExpoMoving vai ser un día moi especial para todos e todas!
Non vos gustaría ter un recordo para sempre?
Ides documentar a xornada de convivencia.
Tedes que pensar unha forma de poder gravar ou sacar fotos.
Máis adiante expoñerédeslle aos vosos compañeiros e compañeiras a vosa experiencia coas familias en cada stand.
Para coñecer a opinión das persoas que participen na xornada empregaredes unha "Diana de avaliación", que colocaredes en cada stand e nun lugar visible e servirá para que as persoas visitantes valoren se todo foi ben. Non esquezades explicar que ao final da visita deben marcar na diana un punto segundo opinen sobre as catro cousas que se pregunta na diana.
Licenciado baixo a Licenza Creative Commons Atribución Non-comercial Compartir igual 4.0