En grupos de tres persoas, facédelle unha foto a unha paisaxe do voso arredor e imprimídea; tamén podedes debuxala. Completade esa paisaxe debuxándolle cinco animais invertebrados e cinco vertebrados que vivan nel. Para rematar colocádea no taboleiro da clase.
Copia a táboa que se achega no teu caderno; unha vez que remates, e axudándote da información que aparece nos apartados anteriores:
a) Na primeira columna pon SI ou NON onde corresponda, segundo as características que posúan TODOS os animais.
b) Na segunda columna explica o significado de cada característica de xeito breve.
Copia a seguinte táboa no teu caderno, e segue as instrucións dadas. Podes facer clic na imaxe para ampliala.
Investiga sobre tres animais en perigo de extinción que haxa en Galicia. Elabora unha entrada para o Instagram do centro, na que figure o nome común, o nome científico, como é, onde vive, e algunha curiosidade sobre eles. Contribuirás á difusión dos máis sensibles.
Cando a persoa docente diga o nome dun animal, escolle unha das características que está pegada polas paredes da aula, e sitúate onda ela; non tardes moito, porque corres o risco de que xa estea "ocupada".
Licenciado baixo a Licenza Creative Commons Atribución Non-comercial Compartir igual 4.0