Imos empezar a coñecer a todos os seres vivos que pertencen ao Reino Animal.

Todos eles son animais e comparten unhas características comúns. Pero, para poder estudalos e coñecelos mellor, as persoas investigadoras inclúenos en varios grupos.

Para empezar, imos ver cales son esas características comúns a todos os animais.

A continuación veremos cales son invertebrados e cales son vertebrados. E tamén traballaremos as características que os diferencian.

Por último e como conclusión, seremos conscientes de que todos eles son importantes e diversos. E tamén seremos conscientes da necesidade de coñecelos para conservalos.

Verás como, mentres vas coñecendo aos animais, poderás ir avanzando cara ao noso reto: a elaboración dunha granxa virtual onde haberá animais invertebrados e vertebrados organizados en función das súas características.

Pouco a pouco irás traballando igual que o fan os científicos cando levan a cabo tarefas similares ás que farás ti no teu reto; investigar para coñecer e coñecer para clasificar e conservar.

Empezamos!