Chámase célula procariota a aquela célula sen núcleo celular diferenciado, é dicir, cuxo ADN se atopa disperso no citoplasma.
Exemplo:
As bacterias son células procariotas.
Célula eucariota
Definición:
As células eucariotas son células que teñen o seu material hereditario encerrado dentro dunha dobre membrana, a envoltura nuclear.
Exemplo:
Na célula eucariota o núcleo aparece en azul no centro.
Fecundación
Definición:
É a unión dun gameto masculino co feminino.
Exemplo:
A fecundación nos animais consiste na unión dun espermatozoide cun óvulo.
Zigoto
Definición:
Nos animais, o zigoto chámase ovo e resulta da unión de dous gametos: óvulo e espermatozoide.
Exemplo:
O zigoto é o resultado da fecundación.
Teoría celular
A Teoría Celular está formada por catro principios ou postulados que sitúan á célula como parte fundamental dos seres vivos:
Unidade morfolóxica/estrutural
Todos os seres vivos están formados por unha ou varias células.
Os seres vivos unicelulares están formados por unha única célula e os pluricelulares por varias.
Unidade fisiolóxica/funcional
As células levan a cabo as tres funcións vitais: nutrición, relación e reprodución.
As células poden realizar as mesmas funcións que os seres vivos dos que forman parte.
Unidade reprodutora
Toda célula procede doutra célula.
Todas as células do noso corpo proceden dunha primeira célula chamada zigoto (formada no proceso de fecundación).
Unidade hereditaria/xenética
A célula contén a información hereditaria que transmitirá ás súas células fillas.
As células fillas teñen características parecidas ás das que proceden.
Lectura facilitada
A Teoría Celular está formada por catro principios:
Unidade estrutural Todos os seres vivos están formados por unha ou varias células. Os seres vivos unicelulares están formados por unha única célula e os pluricelulares por varias.
Unidade funcional As células levan a cabo as tres funcións vitais: nutrición, relación e reprodución. As células poden realizar as mesmas funcións que os seres vivos dos que forman parte.
Unidade reprodutora Toda célula procede doutra célula. Todas as células do noso corpo proceden dunha primeira célula chamada zigoto.
Unidade hereditaria A célula contén a información que transmitirá ás súas células fillas. As células fillas teñen características parecidas ás das que proceden.
Audio
Enche os ocos
Lea o parágrafo seguinte e escriba as palabras que faltan.
