Saltar navegación

2. Miramos atrás

 

Glosario

Conciso

Curto

Definición:

Texto curto e coa información concentrada.

Exemplo:

A exposición do traballo que fixo Manel foi concisa, só dixo o imprescindible.

Divulgativo

Falar

Definición:

Texto oral ou escrito que se crea para transmitir información.

Exemplo:

Para facer o traballo precisamos un texto divulgativo sobre os deportes de inverno.

Entreter

Divertir

Definición:

Divertir, facer que algo resulte ameno.

Exemplo:

Collín un libro na biblioteca que me resultou entretido.

Linguaxe creativa

Creatividade

Definición:

Linguaxe que emprega moitos recursos para resultar agradable.

Exemplo:

As cancións do noso grupo favorito están feitas cunha linguaxe moi creativa.

Lembrando os substantivos

Xa  estudamos as características e os diferentes tipos de substantivos. Sabemos que serven para nomear persoas, animais ou obxectos pero que o poden facer de diferente forma. A primeira clasificación dos substantivos é a seguinte:

Esquema coa clasificación dos substantivos en comúns e propios

Lectura facilitada

Os substantivos son palabras que serven para nomear persoas, animais ou cousas.

Poden ser de dous tipos:

  • Substantivos comúns: son aqueles que serven para nomear obxectos, persoas, animais ou lugares sen distinguilos de outros.
    • Exemplos: cidade, neno, can...

  • Son aqueles que serven para nomear persoas, animais ou lugares diferenciándoos de outros.

    • Exemplos: Santiago, Xoán, Miño...

Lembrando os tipos de textos

Os textos literarios e non literarios son dúas formas diferentes de escribir coas que podemos obter información ou simplemente divertirnos.

A maior diferencia é que os textos literarios fanse coa finalidade de entreter e procurar o goce dos lectores ou lectoras, usando unha linguaxe creativa e artística, mentres que os textos non literarios céntranse só en transmitir a información de maneira obxectiva directamente.


No seguinte esquema poderás visualizar mellor as características que os diferencian e tamén algúns exemplos:

Esquema coa definición, características e exemplos sobre os textos literarios e non literarios

Ficheiro en ODT e ficheiro en PDF

Lectura facilitada

Os textos literarios e non literarios son dúas formas diferentes de escribir coas que podemos obter información ou simplemente divertirnos.

  • Textos literarios: 
    • Só pretenden divertir e entreter.
    • Usan unha linguaxe con moitos adornos.
    • Son os contos, as novelas, as poesías, o teatro ou as cancións.
  • Textos non literarios
    • Están pensados para transmitir información.
    • Empregan unha linguaxe clara e sinxela.
    • Algúns exemplos son os libros de receitas, as normas dos xogos, as instrucións dos aparellos ou as noticias do xornal.

Creado con eXeLearning (Ventana nueva)