Saltar navegación

4.1. O meu concello chámase...

Paso 1: Deseñamos

Imaxe que representa o nacemento dun concello saíndo dun ovo

Imos ter o enorme privilexio de ver nacer un concello! Está saíndo do ovo!

O primeiro paso para acadar este primeiro reto será tomar decisións en equipo sobre cuestións fundamentais:

Onde?

Onde vives?

  • O noso concello é de costa ou de interior?
  • Está nunha chaira ou nunha montaña alta?

Cando e quen?

Quen?

  • Cal é a orixe do noso concello?
  • Quen o fundou?
  • Cando se fundou?

Cantas?

Cantos?

  • Cantas parroquias ten o noso concello?
  • É un concello maioritariamente rural (unha vila e moitas aldeas)?
  • É un concello urbano (unha gran cidade e a súa área metropolitana)?

Como se chama?

Indicador

Cando nace algo sempre se lle pon un nome. Nós imos pór nome ao concello e a todos os seus elementos: parroquias, lugares, ríos, montañas. Lembra o que xa vimos da toponimia e como a orografía inflúe nos nomes dos lugares.

Paso 2: Creamos

Primeiro paso

Mapa do concello

Nun folio A3 facemos o deseño do noso concello:

  • Debuxamos os seus límites.
  • Situamos os elementos do relevo e os ríos e lagos.
  • Dividímolo en cinco parroquias.
  • Situamos as vilas e aldeas (sinalamos cal vai ser a capital).
  • Situamos os lugares de interese: monumentos, instalacións deportivas, auditorios, centros de ensino, parques de atraccións...
  • Eliximos un deses lugares de interese. Vai ser o elemento máis importante do concello.

Segundo paso

Mapa dunha parroquia imaxinaria chamada Freixo

Creamos unha páxina en Agueiro para cada unha das cinco parroquias na que incluímos:

  •  Nome e xentilicio dos seus habitantes.
  •  Número de habitantes.
  •  Lugares de interese.

Terceiro paso

Imaxe dunha páxina de agueiro con información sobre a tirolesa da Laxe

  • Creamos unha páxina en Agueiro para o lugar de interese que vai ser o elemento representativo do concello.
  • Creamos unha páxina en Agueiro cun texto informativo sobre a historia do noso concello.

Cuarto paso

Código QR

  • Creamos  códigos QR para cada unha das páxinas de Agueiro que vimos de crear.

Rúbrica de avaliación

Preme na imaxe para ver a rúbrica de avaliación do reto.

Rúbrica para avaliar o reto 1

Podes descargala en formato ODT premendo aquí.

Creado con eXeLearning (Ventana nueva)