Saltar navegación

4. Imos polo reto

 

Glosario

Código QR

Código QR

Definición:

Tipo de códigos de barras que almacenan información.

Exemplo:

Todos os smartphones teñen instalado un lector de códigos QR.

Documentar

Información

Definición:

Proporcionar información.

Exemplo:

Para facer o traballo tivo que documentarse ben sobre a historia dos Celtas.

Entidade

Partes

Definición:

Calquera tipo de asociación de varias partes.

Exemplo:

Esa entidade bancaria ten moitas oficinas.

Filólogo ou filóloga 

Lingua e Literatura

Definición:

Persoa que estuda a lingua e a literatura. 

Exemplo:

O Día das Letras Galegas veu ao colexio unha filóloga a falarnos de literatura.

Agora toca intentar o reto

Ao longo deste REA viches como elaborar diferentes tipos de textos, aprendiches o que son os topónimos e como se forman os xentilicios e debatiches cos teus compañeiros e compañeiras sobre temas que che interesan. Agora é o momento de poñer todos eses coñecementos en práctica para tratar de acadar o reto que che propoñemos.

Como se organiza un concello?

En Galicia ten moita importancia unha entidade territorial máis pequena que o concello: a parroquia. Esta división do territorio ten a súa orixe na estrutura organizativa da Igrexa. Unha parroquia é unha entidade que comprende varias aldeas ou lugares. Un concello ten varias parroquias.

Preme na imaxe para obter máis información.

Información sobre a parroquia

A unión fai a forza

Para acadar a maioría dos retos é preciso que traballemos en equipo para aproveitar o que mellor se lle dá a cada un/unha de nós. Nesta fase do REA traballaremos en equipos de catro compañeiros e compañeiras nos que distribuiremos os roles de maneira que cada quen teña atribuídas unhas funcións. En calquera caso estes roles son orientativos: todos e todas debemos colaborar en todos os traballos e ir rotando de maneira que poidamos coñecer o traballo desde diferentes puntos de vista.

Para acadar este reto precisaremos asumir os seguintes roles:

Filóloga ou filólogo

Libro

Deberá:

  • Dirixir os traballos de elección dos topónimos.
  • Dirixir a creación os xentilicios para eses topónimos.
  • Organizar o textos que se van publicar.

Xeógrafa ou xeógrafo

Mapamundi

Deberá:

  • Dirixir a elaboración do mapa do concello.
  • Situar os diferentes elementos de poboación e relevo.

Historiadora ou historiador

Historiadores

Deberá:

  • Coordinar o traballo de redacción dunha breve historia do noso concello.

Deseñador ou deseñadora

Deseño gráfico

Deberá:

  • Coordinar os traballos de elaboración dos textos en Agueiro.
  • Facilitar os códigos QR que enlacen coa información.

Xornalista

Xornalista

Deberá:

  • Coordinar a redacción dos textos do folleto informativo sobre o noso concello imaxinario.
  • Coordinar a redacción do texto argumentativo dirixido ao goberno municipal.

Enfoque multinivel

A pesar de que a proposta principal será a de empregar a plataforma dixital Agueiro, propoñemos outras opcións en formatos diferentes:

  1. Un mural en cartolina DIN-A3 na que recollamos toda a información da nosa proposta de concello. Os murais poderanse pendurar nos corredores do centro para a súa difusión.
  2. Unha gravación en vídeo presentando o noso proxecto a través da voz de cada unha das persoas do grupo. Poderase subir á web do centro ou aula virtual para a súa difusión coa comunidade educativa.
  3. Un pódcast feito en grupo e gravado na aula, na radio ou no polo creativo. Poderase subir á web do centro ou aula virtual para a súa difusión coa comunidade educativa.

Creado con eXeLearning (Ventana nueva)