Glosario
Alcaldesa
-
Definición:
-
Persoa que goberna un concello.
-
Exemplo:
-
Hoxe visitounos a alcaldesa de Santiago.
Un concello para nós
1.1. Que conte con nós
Nós tamén somos parte
Que podemos facer para mellorar o sitio onde vivimos? Primeiro temos que analizar as cousas boas e as non tan boas e transmitir ao concello as nosas conclusións. Para iso imos crear o noso concello ideal. Imos inventar un que nos sirva de modelo e ímolo facer desde o principio. Atréveste?
Audio
Agora nós
Reto 1
- Inventa un nome para o teu concello.
- Debúxao nun mural feito en papel continuo de 1,5 x 1,5.
- Pon nome aos diferentes lugares que o forman.
- Crea os xentilicios de cada un deses lugares.
Reto 2
- Elabora un folleto informativo onde describas o concello: natureza, monumentos, actividades culturais...
Reto final
- Redactade un documento con todas as cousas positivas que pensades que debe ter un concello para transmitirllo ao alcalde ou alcaldesa.
Audio
A onde queremos chegar?
Unha vez que teñamos os retos resoltos conseguiremos:
- Saber redactar diferentes tipos de textos.
- Traballar coa ferramenta corporativa Agueiro.
- Clasificar os topónimos da nosa contorna.
- Crear os xentilicios dos topónimos máis comúns.
Audio
Unha paradiña
-
Agora que xa coñeces o reto que che propoñemos, é o momento de que abras o teu diario de aprendizaxe e fagas unha pequena reflexión na que recollas a túa opinión sobre o que pensas que vai ser este traballo.
Lembra que o diario de aprendizaxe vaite acompañar ao longo de todo o REA.
Licenciado baixo a Licenza Creative Commons Atribución Non-comercial Compartir igual 4.0