Introdución

Introdúcese o tema que se vai tratar e preséntase a opinión ou postura que se vai defender ao longo do texto. Pódese incluír unha declaración do obxectivo do texto e a importancia do tema.

Desenvolvemento

Explícase con argumentos o que se pretende comentar e proporciónanse datos, estatísticas, exemplos e outros tipos de evidencias para apoiar cada argumento.

Conclusión

Resúmense os puntos principais do desenvolvemento, reafírmanse os argumentos presentados e pódese incluír unha reflexión final.

Noticia

Relata un acontecemento, un suceso, un feito real e importante de interese social. Podémola atopar en xornais, en revistas (en papel e dixitais), na televisión, en radio etc.

Estrutura:

• Titulo: breve descrición.
• Corpo: desenvolvemento da noticia; acompañase de imaxes. Responderá as seguintes preguntas:
  
  
  • Cando ocorreu? Día, mes, hora, a semana pasada etc.
    

• • Onde ocorreu? Galicia, España, nun parque, na casa etc.
    

• • Que ocorreu? Un concurso, una festa, una visita, un exame etc.
    

• • Houbo implicados? Citarase os protagonistas da información.

• • Como ocorreu? Contar como foi o suceso.

• • Por que ocorreu? Explicar a razón pola que sucedeu.
    

Receita de cociña

Unha receita de cociña é unha guía detallada que permite preparar un prato específico.

Estrutura:

• Título:  nome da receita ou nome do prato.
• Introdución: unha breve descrición do prato, incluíndo a súa orixe, historia ou calquera dato relevante.
• Ingredientes: Unha lista detallada de todos os ingredientes necesarios para a receita, coas súas cantidades exactas. Pódese presentar de diferentes maneiras segundo o tipo de receita.

                *Cantidade*: Ex. 200 gramos de fariña.

                *Descrición*: Ex. 1 cebola grande, picada.

                *Forma de preparación*: Ex. 2 dentes de allo triturados etc.

• Instrucións: pasos detallados para preparar o prato. Deben ser claros e ordenados cronoloxicamente. Incluír tempos de cocción, temperaturas e calquera técnica específica.

Texto divulgativo

O obxectivo é ensinar, explicar ou divulgar información sobre un tema. A finalidade é difundir información e transmitir coñecemento. Pódese encontrar en libros de texto, revistas especializadas, en plataformas de Internet de busca de información etc.

Estrutura:

• Título: nome do tema do que se vai informar. Exemplos: "o Concello, o mar, a fauna e flora etc."
  
• Introdución: explicación da información relevante.
• Desenvolvemento: expóñense as ideas, características e acontecementos de forma ordenada. Acompañase das imaxes, fotografías, táboas de clasificación, esquemas, gráficos etc.
• Conclusión: resúmese o importante. Pódense dar ideas para investigar e ampliar a información do tema. 

Prospecto dun medicamento

Un prospecto dun medicamento é un documento esencial que proporciona información detallada sobre un medicamento para asegurar o seu uso seguro e eficaz. Tamén ten unha serie de partes moi importantes que se resumen a continuación:

Estrutura:

• Nome do medicamento: o nome comercial e, se corresponde, o nome xenérico do medicamento.
• Composición: información sobre os compoñentes do medicamento.
• Forma farmacéutica: descrición da forma en que se presenta o medicamento (tabletas, cápsulas, solución inxectable etc).
• Indicacións: descrición das enfermidades ou condicións para as cales o medicamento está indicado.
• Posoloxía e forma de administración: instrucións detalladas sobre a dose recomendada e a forma correcta de administración.
• Contraindicacións: situacións ou condicións nas cales o medicamento non debe ser utilizado.
• Efectos secundarios: listaxe de posibles efectos secundarios e reaccións adversas que poden ocorrer co uso do medicamento.

Título

Todo texto de opinión precisa ter un título que sexa rechamante para a persoa receptora ou lectora do mesmo.

Introdución

Nesta parte vaise presentar o tema do que van opinar. Adoita ser breve e ten que chamar tamén a atención.

Tese

Aquí as persoas emisoras mostran a súa postura co tema.

Argumentos

Como nos debates, precísanse argumentos ou razoamentos para demostrar a opinión da persoa autora.

Conclusión

Na última parte do texto de opinión móstrase a opinión persoal de quen escribe. Tamén se pode incluír un breve resumo do exposto.