Glosario
Diana de valoración
-
Definición:
-
Obxecto ou elemento con varios puntos de referencia que serven para valorar un aspecto concreto.
-
Exemplo:
-
A actividade gustoulle moito, polo que a súa valoración foi o centro da diana.
Solidarízate xogando!
5.2. Repasando todo
Como foi o voso evento?
Para coñecer a opinión das nenas e nenos que participen no evento deportivo empregaredes unha "Diana de valoración", que colocaredes nun lugar visible e servirá para que as persoas visitantes valoren se todo foi ben. Non esquezades explicar que ao final da visita deben marcar na diana un punto segundo opinen sobre as catro cousas que se pregunta na diana.
Acceso ao documento diana de valoración en PDF (nova xanela).
Acceso ao documento diana de valoración en formato editable.
Lectura facilitada
Empregaredes unha "Diana de valoración" para saber a opinión dos nenos e nenas que participen.
Colocarase nun lugar visible e servirá para que as persoas visitantes valoren se todo foi ben.
Recordade explicarlles que ao final da visita deben marcar na diana un punto sobre as catro cousas que se preguntan.
Accede ao documento diana de valoración aquí.
Accede ao documento diana de valoración en formato editable aquí.
Audio
Reflexionando
Agora toca revisar as dianas de valoración que cubriron os nenos e nenas que participaron no evento.
Ides realizar un debate en grupo no que trataredes os seguintes puntos:
.png "Diana de valoración")
- Como valoraron os participantes cada un dos apartados da diana?
- Cal foi o aspecto con valoración máis alta?
- Cal foi o apartado con valoración máis negativa?
- Pensade nos motivos que poden explicar as puntuacións máis positivas e negativas.
- Recollede propostas de mellora para solucionar esas puntuacións negativas.
- Que tal foi a doazón? A vosa contribución foi ben acollida pola asociación?
Lectura facilitada
Agora toca revisar as dianas de valoración que cubriron os nenos e nenas que participaron no evento.
Ides realizar un debate en grupo:
- Como valoraron os participantes cada un dos apartados da diana?
- Cal foi o aspecto con valoración máis alta?
- Cal foi o apartado con valoración máis negativa?
- Pensade nos motivos que poden explicar as puntuacións máis positivas e negativas.
- Recollede propostas de mellora para solucionar esas puntuacións negativas.
- Que tal foi a doazón? A vosa contribución foi ben acollida pola asociación?
Audio
Que aprendiches?
Licenciado baixo a Licenza Creative Commons Atribución Non-comercial Compartir igual 4.0