1.2. Presentación do reto

Glosario

Baloncesto

Definición:: Deporte no que participan dous equipos, que consiste en xogar o balón coas mans para tratar de introducilo na canastra do equipo contrario.
Exemplo:: As persoas que xogan ao baloncesto adoitan ser moi altas.

Datchball

Definición:: Deporte alternativo, de cancha dividida, no que compiten dous equipos nun espazo claramente definido e dividido por unha corda ou liña central, cuxo obxectivo é eliminar aos xogadores e xogadoras do equipo contrario mediante o lanzamento e golpeo dos tres balóns de xogo.
Exemplo:: A mestra de Educación Física ensinouvos a xogar ao datchball.

Deporte

Definición:: Conxunto de situacións motoras codificadas en forma de competición e cun carácter institucional (Parlebas).
Exemplo:: O baloncesto é o seu deporte favorito.

Evento deportivo

Definición:: Suceso importante e programado, de índole social, académica, artística ou deportiva.
Exemplo:: Os xogos olímpicos son un evento deportivo moi importante.

O voso reto

Nenos e nenas falando sobre o reto

Queredes que algunha das asociacións da vosa vila reciban a vosa axuda e consigades que teñan maior visibilidade?

Pois a prepararse, porque teredes que analizar as asociacións sen ánimo de lucro que hai no pobo e buscar a forma de ser solidarios con elas a través da organización dun evento deportivo solidario e non competitivo. Para iso, iniciarédesvos en dous deportes colectivos, un popular como é o baloncesto, e outro alternativo como é o datchball. Coñecer os seus aspectos técnicos e tácticos axudaravos a escoller o evento que queredes organizar e superar así o voso reto.

Que vos parece? Conseguirédelo?