Acción que consiste en enviar o balón entre dous xogadores/as do mesmo equipo que se atopen a pouca distancia sen que impacte contra nada.

Acción que consiste en enviar o balón entre dous xogadores do mesmo equipo intentando que rebote no chan antes de ser recibido polo receptor ou receptora.

Acción que consiste en enviar o balón entre dous xogadores/as do mesmo equipo estando moitas veces a pelota en contacto co chan.

Acción que consiste en lanzar o balón a un/ha xogador/a rival co obxectivo de que impacte nel ou nela sen que existan interferencias previas.

O rival podería decidir se esquivar o lanzamento ou intentar recepcionar a pelota.

Acción que consiste en lanzar o balón contra o chan co obxectivo de que, ao rebotar, impacte contra un xogador ou xogadora rival.

O rival podería decidir se esquivar o lanzamento ou intentar recepcionar a pelota.

Acción que consiste en enviar o balón contra un xogador rival impactando varias veces cotra o chan.

O rival podería decidir se esquivar o lanzamento ou intentar recepcionar a pelota.

Acción que consiste en atrapar o balón procedente dun lanzamento do rival sen que se produzan interferencias na traxectoria.

Isto tamén se coñece no datchball como "facer un aire", o que implica poder salvar ao/á integrante do equipo que leva máis tempo eliminado.

Acción que consiste en atrapar o balón procedente dun lanzamento do rival despois dun bote, dun impacto contra a parede ou dun contacto con outro xogador ou xogadora.

Empregando lanzamentos.

Neste exemplo podedes ver como se emprega un lanzamento directo para darlle a unha rival. Ao impactar o balón no seu corpo e tocar o chan quedaría eliminada.

Cunha recepción directa, chamada "aire". O/a xogador/a que lanzou quedaría eliminada porque o seu/súa rival recepcionou a pelota facendo un "aire".

(Recordade que o "aire" supón salvar ao integrante do equipo que leva máis tempo eliminado).

Acción que ten por obxectivo alcanzar algún balón do equipo contrario sen tocar, con ningunha parte do corpo, a liña central divisoria nin o campo rival.

Situación especial de ataque pola que un xogador ou xogadora salta ao campo contrario, disparándolle a un/ha opoñente co obxectivo de eliminalo/a. O lanzamento tense que realizar antes de tocar o campo rival para que sexa válido. O rival será eliminado se o balón impacta nel e toca o chan.

Un kamikaze sempre supón a eliminación da persoa que o realiza xa que invade o campo contrario.

Evitar con habilidade ser tocado por unha das pelotas co obxectivo de non ser eliminado/a.

Situación defensiva que consiste en atrapar o balón tras un lanzamento directo sen que caia ao chan.

Implica poder salvar ao/á intregante do equipo que leva máis tempo eliminado.

Situación defensiva, empregando a pelota como protección, pola que se pode chegar a eliminar a un/ha opoñente se chegas a impactar nel/a e a pelota toca o chan.

Tamén pode supoñer a eliminación dun/ha integrante do mesmo equipo se, ao empregar o escudo, a pelota impacta contra el e cae ao chan.

Situación na que queda un só xogador ou xogadora de cada equipo.

A persoa integrante de cada equipo que non resultara eliminada, situarase na liña vermella do seu campo co balón ao carón do seus pés.

A persoa encargada da arbitraxe situarase no centro do campo e dará a sinal de "morte súbita".

Tras oa sinal, dispoñen de 10 segundos e dunha soa oportunidade para intentar eliminar ao/á opoñente.

Situacións a ter en conta:

- Se un deles fai aire gañará a partida.

- Se ambos disparan e non lle dan ao rival, a partida será nula.

- Se un xogador ou xogadora toca central ou a liña vermella quedará eliminado/a, gañando a persoa rival.

- Se un xogador ou xogadroa opta por un kamikaze e alcanza ao rival, quedarán empatados/as xa que ambos serían eliminados/as.