Asociación sen ánimo de lucro que loita contra a contaminación da contorna de A Mariña Lucense.

Está enfocada na creación de eventos de concienciación contra a contaminación e máis en concreto contra o uso abusivo do plástico.

Algunhas das actividades que realizan son as limpezas de praias como a que podes ver facendo clic aquí.

Ou, se queres saber máis, podes ler unha noticia de xornal facendo clic aquí.

Down Lugo –Asociación Síndrome de Down de Lugo– é unha entidade sen ánimo de lucro, con ámbito de actuación na provincia de Lugo, que integra a persoas con síndrome de Down e ás súas familias.

A Asociación naceu no ano 1996 por iniciativa dun grupo de nais e pais, comprometidos coa busca de novas alternativas para mellorar a situación das persoas con síndrome de Down.

O Refuxio de Animais de Cambados iniciou os seus traballos o 28 de abril de 1999, baixo a dirección da actual directora, Olga Costa, seguindo a proposta do concello de Cambados de crear un refuxio para animais abandonados que malvivían na vila.

As persoas voluntarias realizan actividades como "Sácame a pasear", na que todos os sábados pola mañá (se o tempo o permite), reúnese un grupo de voluntarios no Refuxio, e xuntos sacan a pasear aos cans por unha zona próxima ao Refuxio onde poden correr e xogar libremente, ademais de bañarse nunha pequena lagoa.

En 2019, cumpríronse 20 anos dende que o Refuxio de Cambados abriu as súas portas. Podedes ver un vídeo conmemorativo facendo clic aquí.

Unha organización sen ánimo de lucro recoñecida oficialmente que funciona grazas á colaboración gratuíta do voluntariado que ten como finalidade recoller alimentos e facelos chegar ás persoas máis desfavorecidas da provincia da Coruña.

O funcionamento do Banco de Alimentos Rías Altas baséase no principio de "dar" e "compartir".

Todas as contribucións deben ser gratis.

Xoldra, é unha asociación xuvenil sen ánimo de lucro de Mondoñedo cunha traxectoria de 25 anos. Ten por obxectivo organizar actividades na vila e colaborar con outras, aumentando así as propostas de ocio para todas as idades.

Organiza eventos como o festival de música "Breason" ou a carreira solidaria de Nadal.

Destacar o proxecto Graffitoleate, no que se decorou a grada do campo de fútbol pola parte exterior con graffitis feitos por persoas semiprofesionais que, ademais, impartiron obradoiros de break e graffiti aos nenos e nenas da zona.

Cáritas ten como principal obxectivo a acción solidaria e social. Para iso, realiza diferentes accións coas que promove o desenvolvemento integral das persoas e os pobos, especialmente dos máis pobres e excluídos.

Ten un proxecto de doazón de roupa chamado Moda-re, cuxo obxectivo é darlle unha nova vida ás prendas que outras persoas non utilizan.

Evento deportivo solidario organizado pola Asociación Española Contra o Cancro en Lugo, no que se recadan fondos para a loita contra o cancro. Esta actividade ten por obxectivo poder seguir axudando e mellorando a vida dos/das pacientes e as súas familias durante todo o proceso da enfermidade e impulsar a investigación oncolóxica.

A Asociación Viguesa de Esclerose Múltiple de Pontevedra (AVEMPO), nacida en 1996, é unha entidade sen ánimo de lucro que ten por obxectivo axudar, informar e mellorar a calidade de vida dos afectados de Esclerose Múltiple e o seu entorno.

Esta carreira ten tres modalidades, unha carreira de 5 kilómetros, outra máis longa de 10 e unha andaina de 5 quilómetros. Para participar, hai que realizar unha pequena achega económica.

Destaca a modalidade "Dorsal 0" solidario. Esta está pensada para aquelas persoas que non queiran ou non poidan participar en ningunha das probas deportivas. Podes formar parte do pelotón a través do 'Dorsal 0' solidario e colaborar coa túa achega ao mantemento dos servizos que ofrecen ás persoas con Esclerose Múltiple a aos seus familiares.

O Club Baloncesto Nigrán celebra un torneo solidario chamado "Encesta un alimento".

Participan nenos e nenas de toda a provincia gozando da práctica do baloncesto con carácter solidario, xa que, cada un dos e das deportistas, adestradores e adestradoras, así como o público asistente, achegan alimentos non perecedoiros.

No acto de clausura do torneo, faise entrega da totalidade dos alimentos ao Concello de Nigrán, co fin de ser destinados ás familias máis necesitadas da localidade.