Aspectos que deberían mencionarse na análise:

Composición sinxela formada por unha imaxe principal que atrae a mirada e o texto co título da obra, destacado en negriña,  e a información sobre a obra.

A metáfora visual da imaxe do cartel, unha man que semella una bolsa con cartos e que conecta a imaxe co contido da obra. Influencia da poesía visual de Joan Brossa.

Emprego da técnica da colaxe fotográfica en cores branca e negra, que aporta textura e volume á imaxe.

Tipografía moi sinxela, sen serifas, boa lexibilidade. 

Contraste visual entre o fondo de cor branca e a das  letras, de cor negra e vermella.

É unha portada da revista Graffiti Art, dirixida a un público interesado na arte contemporánea e no graffiti (a cabeceira e a imaxe aluden a esta técnica).

A imaxe está creada cunha tipografía que parece feita con graffiti  e con técnicas de  degradado. Éa icónica imaxe de Marilyn Monroe que Andy Warhol creou dentro do estilo da Arte Pop. Capta a atención visual dunha forma moi poderosa. 

A cabeceira con tipografía en cor branca e negra con xogos de alternancia tamén xera un alto interese. 

Xerarquía tipográfica entre o maior peso da cabeceira e os titulares tanto de tamaño como de cores.  A lexibilidade é boa, aínda que algún texto amarelo pode ter máis dificultade para ser lido. Emprégase unha tipografía de caixa alta e sen serifa, que sinala modernidade.

A composición ten elementos que a equilibran, por exemplo, o círculo co prezo e o código de barras sitúanse á dereita, compensando os textos dos titulares.

As cores da cabeceira contrastan coas dos titulares e coas da imaxe. A amarela e a rosa son cores cálidas moi habituais na Arte Pop, e especialmente en Andy Warhol.