Segundo Gabriela Bustos Rojo en Teorías del diseño gráfico , o deseño gráfico é a acción de concibir, programar, proxectar e realizar comunicacións visuais, producidas por medios industriais e destinadas a transmitir mensaxes específicas a grupos determinados. Para obter un bo deseño é necesario saber o que se quere comunicar , elixir os elementos necesarios e facer unha composición adecuada e atractiva. Deste xeito, o deseño busca o maior impacto dunha comunicación entre a persoa emisora e a receptora por medio de imaxes e texto; o seu alcance dependerá da influencia persuasiva que exerza no público.

Pódese dividir o deseño gráfico entres grandes grupos:

-Edición: deseño de libros, revistas, etc.

-Publicidade: deseño de anuncios, carteis, etc.

-Identidade: deseño de imaxe corporativa, sinalética, etc-

As funcións comunicativa do deseño

Bruce Brown fala dun triángulo gráfico para representar a comunicación no deseño. Os vértices do triángulo son a persuasión, a identificación e a información, que sintetizan as funcións comunicativas do deseño: convencer, identificar e informar.

Persuasión

Pretende convencer ao receptor para que realice unha acción. É a función máis habitual na publicidade.

Identificación

Identifica e individualiza unha empresa, marca, produto ou institución fronte a outras. É a función que predomina no deseño corporativo ou na sinalética.

Información

Presenta a información de forma máis clara, lexible e atractiva. Atopámola no deseño editorial ou nos carteis.