A continuación imos ver os principais ámbitos do deseño gráfico:

Información

Deseño multimedia e deseño web

É un ámbito no que participan varios campos do deseño gráfico, xa que integra aspectos visuais e textuais e de son moi variados. Adquire moita importancia o deseño da interactividade do usuario e da navegabilidade, polo que existe unha especialización de deseño gráfico de interface de usuario.

Deseño de editorial

É un ámbito moi amplo que abarca aspectos de composición e maquetación de diversos tipos de publicacións como revistas, libros ou diarios.

Deseño de publicidade

É un ámbito centrado na comunicación persuasiva que pode empregar soportes moi variados como as vallas publicitarias, os catálogos, revistas e diarios ou as páxinas web.

Publicidade La Estepeña — Elena Samartino. *Publicidade* (CC BY-NC-SA)

Deseño de identidade corporativa (branding)

A súa función é a creación dunha imaxe de marca que axude a identificala e que transmitas a súa filosofía e os seus valores. Este ámbito inclúe o deseño de logotipos, a creación de lemas corporativos ou a elaboración do manual de identidade corporativa.

Elena Samartino. Starbucks (CC BY-NC-SA)

Elena Samartino. Nespresso (CC BY-NC-SA)

Deseño tipográfico

É unha aplicación que atopamos en todos os ámbitos do deseño onde hai mensaxes escritos. A tipografía, como veremos no apartado correspondente, é fundamental na comunicación visual..

Tipografía creativa — Elena Samartino. *Tipografía. Cachetejack* (CC BY-NC-SA)

Deseño de embalaxe (packaging)

Céntrase no deseño de embalaxes, bolsas ou etiquetas. Este ámbito ten moita importancia na actualidade xa que as marcas cada vez coidan máis todo o proceso de deseño.