O momento de presentar o voso proxecto está a punto de comezar.
Tedes pensadas algunas características importantes da vosa superheroína e agora chegou o momento de mostralas ao servizo para que poidan apredizar todo o que levades traballado.
Tarefa final: Presentar
Duración:4 sesións
02:00
Agrupamento:equipo
3-4
A tarefa final é presentar o voso proxecto ao Concello mediante unha presentación breve nun formato chamado Pecha Kucha que consiste en 20 diapositivas que duran exactamente 20 segundos.
Cada equipo ten que tomar varias decisións
Que información imos dar na presentación.
Como se van repartir os papeis na presentación.
Que soporte dixital vaise empregar na presentación.
En que consiste a técnica PechaKucha?
O seu nome está relacionado cunha palabra xaponesa que significa charla. Como técnica, unha presentación PechaKucha consiste en vinte diapositivas cada unha das cales ten unha duración de vinte segundos; a presentación dura un total de 6:40 minutos. Esta idea simple conseguiu moita difusión e é empregada en moitos tipos de eventos e situacións.
O obxectivo principal deste modo de facer presentacións é a eficacia e a claridade.
É recomendable que a presentación poida configurarse para que o pase das diapositivas sexa automático. As imaxes empregadas teñen que ser sinxelas, directas e de gran tamaño para que os que están a escoitar a presentación poidan entender o seu significado rapidamente. O texto está limitado ao imprescindible: unha frase curta, unha cita, unha idea. Evítanse os parágrafos explicativos extensos ou as enumeracións xa que ese discurso é memorizado e exposto oralmente.
No sitio oficial (https://www.pechakucha.com) podes atopar exemplos
Que papeis se poden repartir na presentación?
A preparación inclúe moitas funcións que han de ser repartidas; as pequenas tarefas deben ser recollidas e recoñecidas.
1. Documentación: débense recoller todas as ideas, buscar as imaxes axeitadas e exemplos de exposicións nas que inspirarse.
2. Elaboración: escoller o formato, as ferramentas, o tipo de letra e tamén, naturalmente, as ideas de cada unha das diapositivas, a información relevante e a organización interna para que a exposición flúa dun xeito natural.
2. Revisión: controlar os erros, buscar melloras e facer suxestións.
3. Presentación: repartir os momentos e decidir se todo o equipo vai participar ou só unha parella de presentadores; buscar a mellor coordinación posible.
Podedes empregar:
Un editor ofimático de presentación, por exemplo o LibreOffice Impress ou o Microsoft Powerpoint.
Un editor de presentacións en liña, por exemplo Google Slides.
Unha aplicación web como Genially ou Canvas.
Resumo da tarefa
Resumo da tarefa:
Explicar o perfil, os seus valores e a súa intención.