Habitualmente a mensaxe Ola, mundo! era a primeira que se escribía a modo de modelo en moitos xestores de publicación. Neste momento ides facer o voso equivalente a un Ola, mundo! pero da vosa superheroína. Pensade como o faría e poñédevos man á obra.
A tarefa consiste en redactar a primeira mensaxe de presentación da Superheroína. Podedes axudarvos da biografía que tendes da primeira tarefa. Tamén esa mensaxe é unha boa ocasión para crear a primeira etiqueta da superheroína.
Para redactar a primeira mensaxe debedes recapitular a información que tedes dispoñible en especial respecto á misión e o público obxectivo.
A primeira mensaxe é certo que adquire certo carácter oficial pero o ton da rede bule-bule é próximo co que podedes facer unha primeira mensaxe máis divertida e polo tanto adaptar o rexistro lingüístico. Algunhas suxestións poden ser: unha mensaxe como forma de saúdo e presentación ou sobre a intención da personaxe.
I
Licenciado baixo a Licenza Creative Commons Recoñecemento Compartir igual 4.0