Información
A percepción das cores depende en gran medida da relación e interacción que se establece entre as cores que están próximas. Así, unha cor parece máis escura ou máis clara segundo sexa a cor máis próxima coa que interactúa.
A relación entre as cores pode ser de harmonía ou de contraste. No primeiro caso as relacións entre elas son de analoxía, é dicir, hai unha relación entre as cores. Na relación de contraste non teñen aspectos comúns.
Harmonía ou analoxía de cores
Nunha composición harmónica podemos distinguir tres tipos de cores:
Cores dominantes: son as cores máis empregadas e que teñen maior uso nunha composición. Normalmente son máis neutros para que destaquen os contrastes.
Cores contraste: son as cores, xeralmente complementarias que fan de contraste.
Cores de mediación: son cores que complementan e axudan a transición entre as outras cores.
Existes varios tipos de harmonías de cores. A continuación vemos algunhas das máis frecuentes:
Harmonía monocromática: consiste na elección dunha soa cor, modificando a saturación. É unha elección que non ofrece contraste.
Harmonía análoga: consiste na elección de cores que están cerca no círculo cromático.Produce máis contraste ca harmonía monocromática.
Harmonía complementaria: é unha elección de cores que están en oposición no círculo cromático, nun ángulo de 180º. As cores asociadas a outras complementarias ofrecen moito contraste e chaman a atención.
Harmonía triádica:
Obtense con tres cores que están nunha distancia equidistante do círculo cromático situadas nun vértice dun triángulo equilátero. Posúen o contraste das combinacións de complementarios pero con máis harmonía. O aconsellable é ter empregar unha cor dominante ou protagonista e que outras fagan de mediación e contraste.
Harmonía tetrádica:
Consiste na elección de catro cores equidistantes que forman un cadrado imaxinario no círculo cromático. Dá lugar a combinacións con moito contraste. Como nas harmonías con varias cores convén usar unha cor como predominante, e as outra como contraste e mediación.
