Saltar navegación

1.5 Relacionando os estilos preclásicos

Despois do comprender as características que conforman cada un dos tres estilos preclásicos explicados, imos facer un exercicio de transformación progresiva do tema principal dunha sonata, co obxecto de mudar o seu estilo. O tema escollido son os 4 primeiros compases do primeiro movemento da Sonata en Si♭ maior de J. A. Benda, composto en estilo típicamente sensible.

O primeiro fragmento mostra a versión orixinal do compositor. 

Imaxe 1_5_1. J. A. Benda. Sonata en Si♭ maior: Allegretto, cc. 1-4

A primeira transformación consiste en reducir o cromatismo, tanto a nivel harmónico como melódico.

Imaxe 1_5_2. Simplificación cromática

A segunda transformación consiste nunha simplificación do ritmo, que desenvolve o motivo do 4º compás no 2º e 3º.

Imaxe 1_5_3. Simplificación rítmica

 

Na fase "d" aplícase á man esquerda un acompañamento do baixo Alberti, que produce continuidade rítmica e estabiliza o ritmo harmónico, desfacendo a síncope harmónica do segundo compás.

Imaxe 1_5_4. Aplicación do baixo Alberti

 

Na última transformación, o motivo do primeiro compás desenvólvese no 2º e no 3º, proporcionando maior unidade ao conxunto. 

Imaxe 1_5_5. Unidade motívica

Despois de tódalas transformacións,  convertemos o fragmento nun estilo galante. No seguinte video, podes ver todo o proceso.

Imaxe 1_5_6. Transformando o estilo sensible en galante

Actividade 1

Actividade 1. Reescribe en estilo galante o seguinte fragmento de estilo sensible. Segue as indicacións en cada un dos pasos para que a transformación do estilo sexa progresiva.

Imaxe 1_5_7. J. A. Benda. Sonata XVI en Do maior: Moderato, cc. 1-6

Descarga este modelo para imprimir e fai a túa versión

A continuación mostramos unha táboa na que se resumen as principais características dos tres estilos preclásicos: o galante, o sensible, e o estilo de Domenico Scarlatti. O cadro está organizado, de arriba a abaixo, en tres seccións ben diferenciadas: a primeira, de cor rosa, resume as características históricas; a segunda, de cor azul, expón as características relacionadas ca forma e a textura; e a terceira, de cor verde, céntrase nas características harmónicas.

Imaxe 1_5_8. Cadro comparativo entre estilos preclásicos

Estilo galante

Estilo sensible

Estilo de Domenico Scarlatti

Orixínase a partires de 1730

Entre 1740 e 1780

A partir de 1728

Venecia, centro da ópera e música instrumental

Norte de Alemaña. Escola de Manheim

Madrid e Sevilla

Alberti, Galuppi, J. C. Bach

C.P.E. Bach, J. A. Benda

Domenico Scarlatti

Procura da sinxeleza

Complexidade e subxectividade

Desenvolvemento da composición para Clavicembalo

Dirixida ao gran público, aos afeccionados

Dirixida a especialistas. Estilo máis persoal e subxectivo

Dirixida a afeccionados ao Clavicembalo (María de Braganza)

Predomina a forma sonata binaria. Soldaduras

Predomina a forma sonata binaria. Soldaduras

Predomina a forma binaria desenvolvida. Soldaduras

Fraseo regular. Frases curtas

Fraseo irregular. Frases curtas

Fraseo regular. Frases cortas. Tendencia a repetir literalmente

Predomina a melodía acompañada. Fuxe do contrapunto barroco

Texturas variadas. Emprega o contrapunto barroco

Texturas variadas. Emprego ocasional da imitación. Cruce de mans

Melodía cantabile, por grados conxuntos e equilibrada

Melodía instrumental, con saltos e zigs-zags

Melodía baseada en arpexios, escalas e/o notas repetidas.

Acompañamento de baixo Alberti

Acompañamentos variados. Baixos contrapuntísticos

Acompañamentos variados: baixo en oitavas, baixo Alberti, acordes, arpegios, etc.

Continuidade rítmica. Ritmo lombardo

Discontinuidade rítmica. Hemiolas. Ritmo lombardo

Síncopes rítmicas repetidas. Hemiolas. Compases ternarios vivos. Ritmo lombardo

Case sempre usan o modo maior

Preferencia por o modo menor. Emprego do modo maior mixto

Usa máis o modo maior que o menor. Na tonalidade maior, modula ao homónimo menor da dominante. Emprego ocasional do modo frixio

Tonalidades veciñas. Modulación suave

Tonalidades afastadas. Modulación cromática

Tonalidades afastadas. Modulación cromática

Ritmo harmónico lento

Ritmo harmónico rápido. Síncope harmónica

Ritmo harmónico lento

Enlaces tonais. Círculo de quintas

Enlaces tonais. Resolucións irregulares. Círculos de quintas con dominantes secundarias

Enlaces tonais e modais. Resolucións irregulares. Círculos de quintas e cuartas

Tríade de dominante nas semicadencias

Cadencias rotas e semicadencia frixia con sexta aumentada

Predilección pola semicadencia frixia

Evitan a sexta aumentada e disonancias fortes

Usan a sexta aumentada e acordes disonantes

Acciacaturas. Acordes sen 3ª

Uso moderado do cromatismo

Uso frecuente do cromatismo. Intervalos disonantes, como as 3as diminuídas

Emprego da segunda aumentada da escala harmónica e do xiro 6-5 no modo menor