Estes son os obxectivos curriculares - dos tres bloques - da materia de Música en 2º ESO que se traballan nesta Unidade 1:

§  Parámetros do son. Elementos básicos da linguaxe musical.

§ Instrumentos como medios de expresión musical: características xenéricas e formais.

§ Agrupacións  instrumentais na música de diferentes xéneros, estilos e culturas. Interpretación individual e en grupo.

§  Práctica da relaxación, a respiración, a articulación, a resonancia e a entoación.

§ Fomento da sensibilidade estética, desenvolvida a través da comprensión e a interiorización da música.

§  Exploración das posibilidades de diversas fontes sonoras e práctica de habilidades técnicas para a interpretación.

§  Práctica das pautas básicas da interpretación: silencio, atención ao/á director/a e aos/ás demais intérpretes, audición interior, memoria e adecuación ao conxunto.

§  Aceptación e cumprimento das normas que rexen a interpretación en grupo e a achega das ideas musicais que contribúan ao perfeccionamento da tarefa común.

§  Aceptación e predisposición para mellorar as capacidades técnicas e interpretativas propias, e respecto ante outras formas de expresión.

§  Utilización dos recursos necesarios para a comprensión da música escoitada.

§  Identificación dos elementos da música e das súas características na audición e na análise de obras musicais.

§  Clasificación e discriminación auditiva dos tipos de voces e instrumentos, e das agrupacións vocais e instrumentais.

§  Elementos que interveñen na construción dunha obra musical: melodía, ritmo, harmonía, timbre, textura, forma, tempo, dinámica, etc.

§  Interese por desenvolver hábitos positivos e de respecto ás demais persoas durante a escoita.

§ Audición, análise elemental e apreciación crítica de obras vocais e instrumentais de distintos estilos, xéneros, tendencias e culturas musicais, incluíndo as interpretacións e composicións realizadas na aula. Investigación de músicas de distintas características para ampliar as propias preferencias musicais.

§  Emprego e coñecemento dos recursos necesarios para a conservación e a difusión das creacións musicais propias e alleas.

§  Utilización de diversas fontes de información para indagar sobre instrumentos, compositores/as, concertos e producións musicais en vivo e gravadas, tanto do patrimonio galego como da música occidental en xeral e doutras culturas.

§ Utilización de dispositivos electrónicos, recursos da internet e software musical de distintas características para o adestramento auditivo, a escoita, a interpretación e a creación musical.

§  Aplicación de técnicas de gravación  para rexistrar as creacións e interpretacións propias, as interpretacións realizadas no contexto da aula e outras mensaxes musicais.

§  Utilización das tecnoloxías da información nos procesos de creación musical.

§  Coñecemento e emprego das tecnoloxías da información na interpretación e gravación de pezas musicais.

§ Emprego e coñecemento dos recursos necesarios para a conservación e a difusión das creacións musicais propias e alleas.

§  Práctica de pezas musicais aprendidas a través da memorización e da lectura de partituras.