2.1.1 Formas da enerxía

A enerxía preséntase arredor de nós en diversas manifestacións, que chamamos formas da enerxía. Vemos unha cantas de seguido.

Enerxía mecánica A que teñen os corpos pola súa velocidade ou a súa posición	Enerxía cinética	Teñen enerxía cinética todos os corpos que están en movemento.
	Enerxía potencial gravitatoria	É a enerxía que teñen os corpos polo feito de estaren situados a unha certa altura sobre a superficie da Terra.
	Enerxía potencial elástica	Os corpos elásticos (resortes, gomas, vigas…) teñen esta forma da enerxía cando están deformados (encollidos, estirados…)

Enerxía química

É a enerxía que se produce nas reaccións químicas, pola rotura e formación de enlaces entre átomos.

Enerxía térmica	É a enerxía que se transfire entre corpos por estaren a diferente temperatura.
Enerxía eléctrica	É a enerxía transportada pola corrente eléctrica, asociada ao movemento das cargas eléctricas.
Enerxía nuclear	É a enerxía liberada nas reaccións que ocorren nos núcleos dos átomos.
Enerxía radiante	É a enerxía transportada polas ondas electromagnéticas: luz, microondas, radiación ultravioleta, ondas de radio e TV…