1.3.3 Unidade monetaria

En maio de 1998 o Consello Europeo decidiu que os países da Unión Europea que cumprisen unhas condicións poderían acceder á moeda única, oeuro. O tratado de Maastricht impuxo os criterios de converxencia. España, xunto con outros países está na zona euro.

O Banco Central Europeo emite moedas e billetes, fixa os tipos de interese e estabiliza os prezos. A implantación da moeda única pretendeu mellorar a economía para competir no mercado mundial, aumentar a actividade económica, crear máis postos de traballo, estabilizar a moeda e crear conciencia de pertencer a unha comunidade que supera as fronteiras estatais. En España púxose en circulación o euro o 1 de xaneiro 2002.

Medalla conmemorativa da derradeira emisión da peseta no ano 2001, con figura de matrona. Para substituír a efixie real que ata entón figuraba nas moedas españolas, escóllense en 1868 a matrona que representaba a Hispania nas moedas do emperador romano Adriano. A figura recóstase desde os Pireneos ata Xibraltar.

O euro substituíu a peseta en España. As primeiras moedas co seu valor en pesetas foron acuñadas no ano 1808, en Barcelona. Sesenta anos despois (1868) a peseta converteuse na unidade monetaria de España. O Banco de España tiña a exclusividade de emisión de moeda fiduciaria.

Anverso e reverso dun billete de 5.000 pesetas. Ano 1976	Anverso e reverso dun billete de 50 euros