2.4.2 Lectura de textos literarios medievais

VERSIÓN ORIXINAL

“A dona que eu am’e tenho por Senhor

amostrade-me-a Deus, se vos en prazer for,

se non dade-me-a morte.

A que tenh’eu por lume d’estes olhos meus

e porque choran sempre amostrade-me-a Deus,

se non dade-me-a morte.

Essa que Vós fezestes melhor parecer

de quantas sei, a Deus, fazede-me-a veer,

se non dade-me-a morte.

A Deus, que me-a fizestes mais amar,

mostrade-me-a algo possa con ela falar,

se non dade-me-a morte.”

VERSIÓN ACTUALIZADA

A dona que eu amo e teño por Señor

mostrádema, Deus, se vos parece ben,

se non, dádeme a morte.

A que teño por lume destes ollos meus,

e pola que sempre choran, mostrádema, Deus,

se non, dádeme a morte.

Esa que Vós fixestes a de maior beleza

de cantas vin, ai Deus, facede que a vexa,

se non, dádeme a morte.

Ai, Deus, á que me fixeches amar máis,

mostrádema para que poida con ela falar,

se non, dádeme a morte.

Bernal de Bonaval

VERSIÓN ORIXINAL

Ai ondas que eu vin veer,

se me saberedes dizer

por que tarda meu amigo sen min.

Ai ondas que eu vin mirar,

se me saberedes contar

por que tarda meu amigo sen min.

VERSIÓN ACTUALIZADA

Ai, ondas, que eu vin ver,

se me soubésedes dicir

por que tarda meu amigo, lonxe de min.

Ai, ondas, que eu vin mirar,

se me soubésedes contar

por que tarda meu amigo, lonxe de min.

Don Dinís

VERSIÓN ORIXINAL

Mort’é Don Martín Marcos, ai Deus, se é verdade?

Sei ca se el é morto, morta é torpidade,

morta é bavequía

e morta neicidade,

morta é covardía

e morta é maldade.

Se Don Martinh’é morto, sen prez e sen bondade,

oimais, maos costumes, outro senhor catade;

mais non o acharedes

de Roma ata cidade;

se tal senhor queredes,

alhu-lo demandade.

VERSIÓN ACTUALIZADA

Morreu Don Martín Marcos! Ai, Deus, se será verdade!

Sei que se el morreu, morreu tamén a torpeza,

morreu a estupidez

e estará morta a necidade,

morreu a covardía

e estará morta a maldade.

Se don Martín morreu, sen mérito e sen bondade,

desde hoxe, malos costumes, buscade outro señor;

pero non o atoparedes

desde Roma ata esta cidade.

Se queredes un señor así,

buscádeo noutra parte.

Pero da Ponte