2.3.2 Revisión das clases de palabras: o verbo (aspectos teóricos)

Aínda que esta parte se explica polo miúdo no apartado de lingua castelá, lembramos algunhas ideas fundamentais sobre os verbos en galego.

O verbo é unha clase de palabras que indica acción, proceso ou estado. É o núcleo do sintagma verbal e sempre funciona como predicado da oración. Na frase seguinte, o verbo saltou indica a acción realizada polo neno.

O neno saltou por enriba do montón de area

O verbo presenta unha serie de variacións mediante cambios na súa terminación:

• • Persoa (primeira, segunda e terceira): saltei (primeira), saltaches (segunda), saltou (terceira)

  • Número (singular e plural): comín (singular), comemos (plural).

  • Modo: expresa a actitude do falante ante a acción que se enuncia.

• • Indicativo (enunciado real). Por exemplo: Leo o xornal todos os días.

  • Subxuntivo (enunciado irreal, posible ou hipotético). Por exemplo: Quizá lea o xornal no casino hoxe.

• • Tempo: pode ser pasado, presente ou futuro. Por exemplo: camiño (presente), camiñei (pasado), camiñarei (futuro).

Dúas características propias do verbo galego é a non existencia de tempos compostos e o infinitivo conxugado.