Ultimamente todo o mundo tomou conciencia de que o clima e os cambios que sofre poden supor un grave problema para a sociedade. Porén, pouca xente comprende os procesos climáticos e meteorolóxicos e a súa relación coa paisaxe e a vida humana.

Por iso na olimpíada de Xeografía deste ano o tema central é o coñecemento destes procesos e a súa difusión. O voso instituto comprometeuse a participar cuns pósters explicativos da realidade climática, hídrica e paisaxística de España. Pero o grupo de segundo de bacharelato que o ía facer non pode realizar este traballo, así que lle tocou á vosa clase. Pero os de 1º de ESO poderedes facer o mesmo ca o alumnado de bacharelato? Por que non? Ao voso nivel, claro, pero veredes como sodes quen de explicar como son os climas, as augas e a vexetación galega e española.

Non se sabe se gañaredes na olimpíada, pero de certo que aprenderedes moito e vos divertiredes máis.

Divididos en pequenos grupos, ides preparar eses pósters. Durante o proceso de información e elaboración tedes que ir anotando as tarefas que vaiades facendo no diario de aprendizaxe.

• A distinguir os distintos climas que se poden atopar en España.
• A elaborar e interpretar un climograma.
• Que é o ciclo da auga e os distintos tipos de augas.
• Cales son as formacións vexetais que se corresponden con cada área climática.
• A valorar a importancia de coidar o medio natural.
• A traballar en grupo de xeito organizado e efectivo.
• A empregar diferentes ferramentas dixitais.
• A seleccionar e xerarquizar a información.
• A expoñer oralmente o resultado do voso traballo.