FEITA COMA UNHA PERA 

Significado: Ser moi feita, moi guapa. 

Exemplo: Ten unha filla que se lle parece, é feita coma unha pera. 

CADA PERA POLO SEU RABO

Significado: A cada cousa o que lle corresponde, cada cousa como é. Cómpre ser xustos e obxectivos. 

Exemplo: Non ten a mesma gravidade o que fixo el ca o que fixo ela, cada pera polo seu rabo. Non poden ter o mesmo castigo. 

DAR LEITE POLOS CORNOS

Significado: Úsase cando alguén esaxera moito.

Exemplo: Ai, si! Vai contando que se fixo rico a conta do traballo, dá leite polos cornos! Outros ingresos terá...

TER O LEITE NOS BEIZOS 

Significado: Non ter experiencia en algo.

Exemplo: Empezou onte no traballo e aínda ten o leite nos beizos. Aínda lle queda tanto que aprender!