TER MOITA CARA

Significado: Ser un desvergonzado, ser un atrevido. 

Exemplo: Mira que tes cara dicir que non é certo cando sabes perfectamente que si, que foi el quen roubou na tenda. 

VER A CARA A ALGUÉN

Significado: Enfrontarse con alguén

Exemplo: Despois do mal que me fixeches xa nos veremos as caras e che direi catro cousas. 

BOTAR O OLLO 

Significado: Fixarse en algo ou en alguén.

Exemplo: Tan pronto como viu o vestido no escaparate xa lle botou o ollo e dixo que o había mercar. 

ABRIRLLE OS OLLOS A ALGUÉN

Significado: Axudarlle a alguén a darse conta de algo do que non era consciente.  Desenganar.

Exemplo: Pensaba que eras boa persoa, pero xa me abriron os ollos e xa non me enganas. 

COMER COS OLLOS 

Significado: Fixarse moito en algo ou alguén, ollándoo con desexo ou interese.

Exemplo: Vino aparecer pola porta e quedei prendada, comíao cos ollos.