GALO

SER O GALO DO POLEIRO

Significado: Ser quen máis manda, quen toma as decisións.

Exemplo: Anda dando ordes todo o día de aquí para alá, crese o galo do poleiro.

GALIÑA

ATA QUE AS GALIÑAS MEXEN

Significado: Nunca, en ningún momento.

Exemplo: Si, si...heiche mercar ese móbil tan caro, podes esperar ata que as galiñas mexen.

DEITARSE COAS GALIÑAS

Significado: Deitarse moi cedo.

Exemplo: Érguese moi cedo e tense que deitar coas galiñas para durmir oito horas.

SAÍR A GALIÑA CHOCA

Significado: Saír algo mal, frustrarse unha situación.

Exemplo: Pensaba que eu lle ía facer o seu traballo, pero saíulle a galiña choca.

POÑERSE A CARNE DE GALIÑA

Significado: Emocionarse por algo

Exemplo: Escoitei o meu fillo recitando un poema no festival de fin de curso e púxoseme a carne de galiña.