BOTAR UNHA MAN

Significado: Axudar, prestar axuda a alguén. 

Exemplo: Ben me podías botar unha man para resolver este asunto. 

TER DE MAN

Significado: Contar con alguén para facer ou arranxar algo.

Exemplo: Estropeóuselle o coche e chamou a un mecánico que ten de man e que é moi bo profesional. 

CAER DE PÉ

Significado: Ter sorte, saír ben dunha situación difícil

Exemplo: Pódese dicir que caeu de pé: tivo un accidente grave e salvou a vida de milagre.

DISCORRER MÁIS COS PÉS QUE COA CABEZA

Significado: Non pensar ben as cousas, non razoar o suficiente

Exemplo: Non sei como se che ocorreu apagar o lume con gasolina: discorres máis cos pés que coa cabeza. 

LAMBER OS PÉS 

Significado: Adoptar unha postura servil con algúen, adular

Exemplo: Desde que sabe que ela é a xefa non fai máis que lamberlle os pés.