A alimentación é o proceso consciente e voluntario mediante o que se toman alimentos do exterior. A partir dos alimentos que consumimos, conseguimos nutrientes que nos proporcionan a materia precisa para elaborar novas estruturas, manter as existentes e tamén para obter a enerxía necesaria.
O alimento é todo aquel produto que se toma e que contén nutrientes (froita, peixe, ovos,...).
Pola súa parte a nutrición é un proceso complexo, inconsciente e involuntario, polo que os alimentos se transforman en nutrientes, os cales chegan a todas as células do organismo para poder ser absorbidos e ser utilizados nos procesos metabólicos. No seu proceso interveñen os aparellos dixestivo, circulatorio, excretor e respiratorio.
Os nutrientes son as substancias químicas a partir das cales obtemos enerxía e sintetizamos a nosa propia materia (glícidos, proteínas e graxas). Poden clasificarse en dous grandes grupos: inorgánicos e orgánicos. Os nutrientes inorgánicos son a agua e os sales minerais.. Os nutrientes orgánicos son biomoléculas que só se atopan en alimentos de orixe orgánica (animal ou vexetal): glícidos, lípidos, proteínas e vitaminas.